Maršrutčyki z Babrujska ŭchililisia ad apłaty padatkaŭ na 750 tysiač rubloŭ
Śledčym upraŭleńniem USK pa Mahiloŭskaj vobłaści raskrytyja padrabiaznaści rasśledavańnia kryminalnaj spravy ab uchileńni ad vypłaty padatkaŭ.
SK paviedamlaje, što dvoje 42-hadovych mužčyn z 2009 hoda asobna adno ad adnaho zajmalisia pasažyrskimi pieravozkami. Biznes prynosiŭ im niadrenny dachod. Adnak u 2018 hodzie, kali byŭ abjaŭleny konkurs na ažyćciaŭleńnie pieravozak z Babrujska ŭ Minsk, kankurenty abjadnalisia i stvaryli firmu.
Vyjhraŭšy konkurs, jany arhanizavali pieravozku pasažyraŭ pa ŭstanoŭlenym maršrucie. Pry hetym, kab paźbiehnuć vypłaty značnaj sumy padatkaŭ, utojvańnia realnaj vyručki i atrymańnia bolšaha dachodu, fihuranty razdrabili biznes i vypłačvali padatki pa sproščanaj sistemie padatkaabkładańnia.
Złačynnuju schiemu babrujskich pieravozčykaŭ vyjavili supracoŭniki UDFR KDK Mahiloŭskaj vobłaści pry praviercy dziejnaści firmy.
Śledstvam ustanoŭlena, što ź lipienia 2019 hoda pa kaniec 2021 hoda pradprymalniki nie zapłacili dziaržavie značnuju sumu padatkaŭ, čym pryčynili škodu na sumu zvyš 750 tysiač rubloŭ. Ustanoŭlena taksama, što pieravozki ažyćciaŭlalisia častkova biez vykarystańnia kasavaha abstalavańnia.
Pa vynikach rasśledavańnia dziejańni pradprymalnikaŭ kvalifikavanyja pa č. 2 art. 243 (uchileńnie ad vypłaty padatkaŭ, što paciahnuła pryčynieńnie škody ŭ bujnym pamiery) Kryminalnaha kodeksa Respubliki Biełaruś. Na majomaść abvinavačanych nakładzieny aryšt na sumu zvyš 1 miljona rubloŭ.
Padčas papiaredniaha rasśledavańnia fihuranty całkam pakryli škodu.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary