Minadukacyi: Viaskovych dziaciej buduć karmić u škołach za košt biudžetu, ale nie ŭsich
U biełaruskim zakanadaŭstvie jość norma ab adnarazovym charčavańni viaskovych školnikaŭ za košt srodkaŭ biudžetu. Jak raskazali ŭ Ministerstvie adukacyi, vučni, jakija navučajucca ŭ 1—11 kłasach, atrymlivajuć biaspłatnaje charčavańnie zhodna z pastanovaj Savieta Ministraŭ № 694 ad 14 kastryčnika 2019 hoda. Ale jość i vyklučeńni.
Hetaja norma, pavodle tłumačeńnia Minadukacyi, raspaŭsiudžvajecca tolki na dziaciej, jakija žyvuć i vučacca va ŭstanovach ahulnaj siaredniaj adukacyi, raźmieščanych niepasredna ŭ sielskaj miascovaści.
Tyja ž viaskovyja školniki, čyje baćki (zakonnyja pradstaŭniki) «samastojna abrali miescam navučańnia ŭstanovy ahulnaj siaredniaj adukacyi, raźmieščanyja ŭ haradach i pasiołkach haradskoha typu», pry tym, što ŭ ichniaj vioscy jość takija ŭstanovy albo arhanizavany padvoz u najbližejšyja viaskovyja škoły, biaspłatnaha charčavańnia nie atrymlivajuć.
Ale ŭ toj ža čas, kali rašeńnie ab navučańni viaskovych dziaciej u haradskich škołach prymajuć nie baćki, a miascovyja ŭłady, to biaspłatnym charčavańniem vučni 5—11 kłasaŭ, jakija žyvuć u sielskich nasielenych punktach, mohuć być zabiaśpiečanyja.
Čytajcie taksama:
Nastaŭnikam u Baranavičach zabaranili charčavacca ŭ školnych stałovych
Sa školnych bufietaŭ prybiaruć šakaład i marmieład
U škołach zapuskajuć ekśpierymient pa charčavańni
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary