EPAM Systems upieršyniu stała hałoŭnym padatkapłacielščykam IT-haliny Litvy
Letaś jaje litoŭskaja dačka EPAM Sistemos zapłaciła ŭ miascovuju kaznu €10,4 młn i abyšła čempijona mnohich papiarednich hadoŭ — data-centr amierykanskaha płaciežnaha servisu Western Union (€9,1 młn), piša Office Life.
U liku najbujniejšych padatkapłacielščykaŭ IT-siektara Litvy apynulisia jašče niekalki kampanij ź biełaruskimi karaniami. Heta Wargaming Vilnius (€8,5 młn), Melsoft LT (€4,1 młn) i Gurtam (€2,5 młn).
Epam Sistemos, Wargaming Vilnius i Melsoft LT, pavodle padlikaŭ Dziaržaŭnaj padatkovaj inśpiekcyi pry Minfinie Litoŭskaj Respubliki, pa vynikach 2022 hoda ŭvajšli ŭ top-500 najvažniejšych padatkapłacielščykaŭ krainy. U im jany zaniali 128-y, 165-i i 404-y radki adpaviedna.
Minuły hod staŭ rekordnym pa pradstaŭnictvie ŭ renkinhu kampanij ź biełaruskimi karaniami.
Bolš za ŭsio padatkaŭ zapłaciŭ pryvatny trejdar techničnaj soli LIT Salt Trade. Kampanija zaniała 126-je miesca. Akramia Litoŭskaha rynku, LIT Salt Trade pracuje taksama na rynkach Łatvii, Polščy i Estonii.
Taksama ŭ hety śpis uklučany vytvorca i dystrybjutar optyki Yukon Advanced Optics Worldwide (174-je miesca i €7,9 młn vypłačanych padatkaŭ) i kampanija Vidar Baltic (225-y radok i €5,7 młn). Vidar Baltic — heta rearhanizavanaja ŭ minułym hodzie zbytavaja struktura adnaho z najbujniejšych u śviecie vytvorcaŭ karmoŭ DK «Sadružnaść». Raniej jana nazyvałasia Sodrugestvo Baltija.
U rehijanalnyja rejtynhi ŭvajšli Sanatoryj «Biełaruś» u Druskienikach (€0,6 młn) i mietałatrejdar Prekubos namai BMZ-Baltija ŭ Šaŭlai (€1,5 młn).
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary