Telefonnyja machlary padmanuli 105-hadovuju žančynu na 37 tysiač dalaraŭ
Kolkaść hrašovych machlarstvaŭ u Biełarusi ŭ 2022 hodzie vyrasła ŭ dva razy ŭ paraŭnańni z 2021-m. A kožnaje dziasiataje złačynstva było źviazanaje z telefonnymi zvankami piensijanieram i starym hramadzianam z paviedamleńniami pra toje, što ich svajaki stali vinavatymi ŭ DTZ.
Tolki ŭ minułym hodzie padmanuli try tysiačy piensijanieraŭ, piša «Sputnik».
Suma škody mienavita ad hetaha vidu machlarstva skłała ŭ 2022-m amal 9 młn rubloŭ. Pry hetym viernuta nazad tolki 600 tysiač rubloŭ.
Da prykładu, u Minsku žančyna 1935 hoda naradžeńnia, kab vyzvalić ad kryminalnaj adkaznaści syna, nibyta vinavataha ŭ ździajśnieńni DTZ, pieradała ašukancam 21 tysiaču dalaraŭ, 200 jeŭra i 11 tysiač rubloŭ.
U Hrodnie 85-hadovaja žančyna addała ašukancam bolš za 150 tysiač dalaraŭ i 125 tysiač jeŭra, kab jaje ŭnučku nie pryciahnuli da adkaznaści za ŭdzieł u DTZ.
A 105-hadovaja žančyna takim čynam pazbaviłasia 37 tysiač dalaraŭ.
Za minuły hod byli ŭstanoŭlenyja 242 machlary (heta tak zvanyja kurjery, bo arhanizatary nie znojdzienyja), 75 kryminalnych spraŭ nakiravana ŭ sud.
«Abjektyŭna raskryć hetyja złačynstvy vielmi składana, tamu što ich arhanizatary znachodziacca za miažoj — jak praviła, u Rasii ci na Ukrainie», — adznačyŭ u čaćvier na pres-kanfierencyi ŭ Minsku staršy prakuror upraŭleńnia Hienprakuratury Viačasłaŭ Babašynski.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary