Kitaj u chutkim časie prapanuje płan urehulavańnia kanfliktu va Ukrainie z ulikam pavahi da «suvierenitetu ŭsich krain», paviedamiŭ kiraŭnik kancylaryi kamisii pa zamiežnych spravach CK KPK Van I, jaki na nastupnym tydni płanuje naviedać Maskvu, pieradaje Bloomberg.
Pa słovach Van I, novaja prapanova budzie paŭtarać punkty papiaredniaha płana, jaki byŭ vysunuty lidaram KNR Si Czińpinam. Havorka idzie ŭ tym liku ab vykanańni pryncypaŭ Statuta AAN.
Van I na Miunchienskaj kanfierencyi pa biaśpiecy zajaviŭ, što Piekin rychtujecca vysunuć novuju mirnuju prapanovu ŭ najbližejšyja dni. «My vystupajem suprać napadaŭ na atamnyja elektrastancyi, napadaŭ na cyvilnyja jadziernyja abjekty», — skazaŭ jon, zaklikaŭšy prykładać namahańni dla praduchileńnia raspaŭsiudžvańnia jadziernaj zbroi i jadziernych katastrof.
Kiraŭnik ofisa prezidenta Ukrainy Andrej Jarmak padčas vystupu na Suśvietnym ekanamičnym forumie ŭ Davosie zajaviŭ, što žonka Uładzimira Zialenskaha Alena, jakaja brała ŭdzieł u mierapryjemstvie, pieradała kitajskaj delehacyi pasłańnie z asnoŭnymi pałažeńniami «formuły miru». Jarmak tady adznačaŭ, što Kitaj «nie stolki padtrymlivaje Rasiju, kolki nie padtrymlivaje Ukrainu», i vykazvaŭ nadzieju, što Piekin źmienić pazicyju, u tym liku dziakujučy prapanavanym umovam miru. Aficyjny pradstaŭnik kitajskaha MZS Van Veńbiń u kancy studzienia ŭ adkaz kazaŭ, što Kitaj zaŭsiody byŭ prychilny da pieramoŭnaha pracesu i mirnaha ŭrehulavańnia, piša RBK.
Maskva padkreślivała, što nie pryznaje lubyja prapanovy pa mirnym urehulavańni ad Kijeva, kali toj nie pryznaje dałučeńnie da Rasii novych terytoryj.
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary