Z 1 červienia 2022 hoda ŭ miescach źniavoleńnia pierastali prymać karancinnyja pieradačy, jakija viaźniam možna było pieradavać kožny miesiac u jakaści «dadatkovych». Źviazana heta sa «stabilizacyjaj situacyi pa zachvorvańni na COVID-19».
Padtrymlivać viaźniaŭ vitaminami i lekami možna praz «miedycynskuju banderol». Takuju banderol treba padpisać «ź miedykamientami». Dasyłać jaje možna tolki tym viaźniam, prysud jakich nie ŭstupiŭ u zakonnuju siłu.
Śpis nieabchodnych i dazvolenych lekaŭ, jakija možna pieradać viaźniam abo dasłać poštaj:
— lubyja vitaminy (taksama «D3-kaps» i Amieha-3), možna navat u šypučych tabletkach;
— leki pry chraničnych zachvorvańniach, kali jany jość;
— abiazbolvalnyja, haračkapanižalnyja, supraćzapalenčyja, «Acykłavir maź»;
— zaspakajalnyja: «Fienibut», «Naafien», «Afabazoł», «Valarjanka 600 mh» i inšyja;
— śviečki i krem «Relif»;
— praciahły kurs «Terafleksu» ad bolu ŭ sustavach;
— hijałuronavyja kropli dla vačej, kab uvilhatniać ich;
— tabletki ad horła, kašlu, sprej dla nosa z eŭkaliptam, «ACC»;
— «Śmiekta», «Almahiel», «Amiez» i inšyja leki ad bolu ŭ straŭniku;
— leki pry kišačnych rasstrojstvach;
— lejkapłastyr;
— dekspantenoł;
— inhalatary, kali ŭ čałavieka astma.
Kamientary