Jak ajcišnika Viktara Kuŭšynava sukamierniki adbivali ad karcara
U niadaŭnim intervju «Tok» błohier Alaksandr Kabanaŭ raskazaŭ, jak na Vaładarcy sukamierniki zastupilisia za Viktara Kuŭšynava, byłoha dyrektara pa pradukcie PandaDoc, kab taho nie adpraŭlali ŭ karcar. Viktar zhadaŭ praciah hetaj historyi.
Viktar Kuŭšynaŭ znachodziŭsia ŭ niavoli amal hod — z 2 vieraśnia 2020 hoda pa žnivień 2021-ha.
U niejki čas jon trapiŭ u kamieru da Kabanava. Błohier zhadvaje, jak jany adstojvali Viktara, kab taho nie adpravili ŭ karcar.
«My napisali zajavu ŭsioj kamieraj, što składzieny akt — heta poŭnaje hłupstva, — zhadvaŭ Kabanaŭ. — Dumali, što heta niemahčyma, ničoha z hetaha nie budzie. A ŭ vyniku navat akt nie razhladzieli».
Viktar Kuŭšynaŭ raskazaŭ, što tady tolki viarnuŭsia paśla siami sutak z karcara ŭ kamieru, jak atrymaŭ novuju vymovu.
«Viedaŭ, što za mnoj sočać (hetak ža, jak sačyli, pakul ja byŭ u karcary), kab znoŭ paviesić nadumanaje parušeńnie i znoŭ adpravić u karcar.
Tak i adbyłosia: adrazu ž na nastupnuju ranicu napisali na mianie zajavu: maŭlaŭ, spaŭ paśla padjomu, choć takoha navat i blizka nie było. I ŭsie heta, naturalna, bačyli. Chłopcy z kamiery vyrašyli mnie dapamahčy i piśmova zaśviedčyć, što nijakaha parušeńnia nie było (dziakuj im za heta!).
Ale heta dapamahło tolki adnosna: u toj ža dzień mianie adpravili etapam u Žodzina. Mabyć, zychodziačy z łohiki «nie chočaš u karcar — značyć pajedzieš tudy». I dalej ja ŭžo znachodziŭsia ŭ žodzinskaj turmie».
Były palitviazień kaža, što nie pamiataje vypadkaŭ, kali b u turmie atrymlivałasia adstajać ci abaranić kahości.
Raniej Viktar Kuŭšynaŭ apisvaŭ umovy, u jakich jon znachodziŭsia ŭ karcary.
Sam pakoj «ź vielmi cikavaj kubaturaj i interjeram», šyrynia kala adnaho mietra, daŭžynia i vyšynia kala čatyroch.
«Pienał. Bietonna-kamienny, nadziejny. Jarkaje biełaje śviatło ad lampy dzionnaha aśviatleńnia. Maleńkaje akienca z kratami pad samaj stollu.
Nivodny švied sa svajoj IKEA i praktyčnaściu nie zmoh by arhanizavać prastoru tut lepš. U kancy pakoja na dvuchstupieńčatym pastamiencie raźmieščany sanvuzieł. Unitaz, vynachodnictva savieckaj inžyniernaj dumki, umuravany ŭ padłohu, utvaraje ź joj roŭnuju pavierchniu. Hetaje rašeńnie dazvalaje vizualna palehčyć usprymańnie prastory.
Na mietrovaj vyšyni nad im — šmatfunkcyjanalny kranik. Heta i źliŭ, i miesca dla myćcia ruk, čystki zuboŭ i naboru pitnoj vady i inšaje. All-in-one. Vielmi zručna, bo nie treba nikudy chadzić», — pisaŭ Kuŭšynaŭ.
Spalnaje miesca ŭ vyhladzie draŭlanaha ščyta, abramlenaha mietałam, ubudavana ŭ ścianu.
«Na čas niaspańnia ŭ składzienym stanoviščy fiksujecca naviasnym zamkom. Akramia hetaha — paŭkresła ŭ vyhladzie paŭkruha i takoha ž pamieru stolik ź mietaličnaj rombapadobnaj akantoŭkaj na prutach, prymacavanyja da ściany. Usio heta pafarbavana ŭ ciopły bardovy koler.
Biaśpiečnaje znachodžańnie ŭ hetym pakoi zabiaśpiečvajecca kamieraj nazirańnia na stoli i arhškłom, ubudavanym dla vonkavaha nazirańnia ŭ nadziejnyja mietaličnyja dźviery.
Ništo nie abciažarvaje pobyt. Z asabistych rečaŭ — kubak, myła, ručnik, zubnaja ščotka z pastaj i tualetnaja papiera. Adzieńnie — udałaha kroju čornaja šytaja kurtka i štany. Paściela — na noč. Bolš ničoha», — apisvaŭ Viktar Kuŭšynaŭ.
Viktara Kuŭšynava zatrymali razam z dyrektaram minskaha ofisa Dźmitryjem Rabcevičam, hałoŭnaj buchhałtarkaj Julijaj Šardyka i HR Uładzisłavam Michałapam.
Usim čaćviarym zatrymanym było vystaŭlena abvinavačańnie ŭ machlarstvie, ździejśnienym arhanizavanaj hrupaj albo ŭ asabliva bujnym pamiery (č. 4 artykuła 209 KK). Fihuranty vinu nie pryznali.
Troch kaleh Viktara vyzvalili pad padpisku ab niavyjeździe jašče ŭ kastryčniku 2020-ha paśla sustrečy palitviaźniaŭ z Alaksandram Łukašenkam u SIZA KDB.
Hladzieć «Tok» całkam:
Pahladzicie miłaje videa: były palitviazień Viktar Kuŭšynaŭ sustreŭsia z synam
Kabanaŭ raskazaŭ, jak padčas vybaraŭ vyličyŭ ahienta ŭ inicyjatyŭnaj hrupie Cichanoŭskaj
«Vidać nieba, choć i ŭ kletačku». Ajcišnik raskazaŭ, jak siadzieŭ u karcary na Vaładarcy
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary