U Vieniecyi šukajuć «idyjota», jaki skočyŭ z trochpaviarchovika prosta ŭ kanał
U Vieniecyi mužčyna naŭmysna saskočyŭ z trochpaviarchovaha budynka naŭprost u adzin z kanałaŭ horada. Ciapier videa ź jaho ŭčynkam stała virusnym, a samoha chłopca šukaje palicyja.
Miascovyja ŭłady Vieniecyi aktyŭna šukajuć mužčynu, jaki vyrašyŭ na kamieru saskočyć z dachu adnaho z budynkaŭ u kanał horada. Pra heta 25 sakavika paviedamiła ahienctva CNN sa spasyłkaj na sacsietki mera Vieniecyi.
Mer Vieniecyi Łuidžy Bruhnara ŭ svaim tvitary nazvaŭ chłopca «idyjotam» i napisaŭ, što vydaŭ by jamu «paśviedčańnie ab duraści i daŭ by paru razoŭ pad zad». Pavodle jaho słoŭ, da budynka była nakiravana palicyja, kab vyśvietlić, jak mužčyna zmoh prakraścisia ŭ pryvatny žyły kompleks i trapić na dach.
A questo “soggetto” bisognerebbe dargli un certificato di STUPIDITÀ e un bel sacco di pedate … stiamo cercando di identificarlo, per denunciarlo, Lui e il suo compare sotto che faceva il video cretino per i social .. pic.twitter.com/lrzaIzy516
Bruhnara taksama zaklikaŭ usich, chto bačyŭ videa, dapamahčy identyfikavać hetaha čałavieka. Jon pry hetym dadaŭ, što aryštavać płanujecca nie tolki skakuna, ale i taho, chto zdymaŭ jaho skačok na kamieru.
«My sprabujem identyfikavać mužčynu i jaho pryjaciela, jaki zrabiŭ durnoje videa dla sacyjalnych sietak dziela łajkaŭ. Adzin ryzykavaŭ svaim žyćciom u hetym skačku, ale druhi taksama pravaparušalnik. Jany nie razumiejuć, jakuju niebiaśpieku stvarajuć u hetym horadzie? Što, kali b unizie prapłyvała łodka?» — aburyŭsia mer Vieniecyi.
U Vieniecyi dosyć stroha staviacca da kupańnia ŭ haradskich kanałach. Letaś za heta tam było aryštavana bolš za 40 turystaŭ (niekatoryja ź ich płavali aholenyja). A adnaho mužčynu, naprykład, aryštavali za siorfinh u Hrand-kanale, piša CNN.
Štraf za płavańnie ŭ kanałach zvyčajna składaje 500 jeŭra (kala 1550 rubloŭ).
Cikava adznačyć, što sami kanały ŭ Vieniecyi adnojčy amal całkam pierasochli, pra što my ŭžo pisali raniej.
Kamientary
žałko ž vsie-taki duračkov)