Nastaŭnicu ŭ Čechii buduć sudzić za fejki pra Ukrainu. Jana pierakazvała dzieciam rasijskija niebylicy
Byłaja češskaja školnaja nastaŭnica Marcina Biednarava paŭstanie pierad sudom pa abvinavačvańni ŭ apraŭdańni hienacydu. Jana, pavodle zaklučeńnia prakuratury, pierakazvała na ŭrokach rasijskuju chłuśniu pra vajnu va Ukrainie, piša Bi-bi-si.
Zhodna ź pieradadzienym u sud abvinavaŭčym zaklučeńniem, Marcina Biednarava na ŭroku ŭ krasaviku 2022-ha hoda pierakonvała svaich 13-14-hadovych vučniaŭ u pryvatnaści ŭ tym, što ŭkrainskija vajskoŭcy adkryta vyznajuć nieanacyzm, ździrajuć skuru z ruskamoŭnych žycharoŭ krainy, u tym liku ź dziaciej, i spalvajuć ich žyŭcom.
Akramia taho, Biednarava kazała, što ŭ Kijevie «niama vajny». U dokaz hetych słoŭ jana zajaviła vučniam, što bačyła kadry z kijeŭskich veb-kamier, jakija demanstrujuć, što ŭ horadzie niama bajoŭ.
U samim Kijevie bai byli tolki ŭ samyja pieršyja dni vajny, ale ciažkija bitvy išli ŭ jaho pryharadach, a akramia taho, stalica padviarhałasia rakietnym udaram.
Kali niekatoryja vučni stali piarečyć nastaŭnicy i kazać, što pa češskaj televizii pakazvali kadry z pałajučymi damami ŭ Kijevie, Biednarava rekamiendavała im atrymlivać infarmacyju ź inšych krynic i zajaviła, što češskaje telebačańnie naležyć biznesoŭcu i fiłantropu Džordžu Sorasu (što taksama nie adpaviadaje rečaisnaści), dadaŭšy: «My ž viedajem, pierad kim jon [Soras] daje spravazdaču».
Amierykanski miljarder vienhierskaha pachodžańnia Džordž Soras finansava padtrymlivaje prasoŭvańnie libieralnych kaštoŭnaściaŭ va ŭsim śviecie i tamu źjaŭlajecca adnoj z ulubionych mišeniaŭ u kanśpirałohii i zmaharoŭ z upłyvam ZŠA i libieralizmam.
Adzin z vučniaŭ tajemna zapisaŭ vykazvańni nastaŭnicy na ŭroku i daŭ pasłuchać hety zapis svaim baćkam. Apošnija źviarnulisia ŭ škołu, paśla čaho Biednarava była zvolnienaja za hrubaje parušeńnie praviłaŭ pavodzin. Nastaŭnica sprabavała asprečyć zvalnieńnie ŭ sudzie, ale prajhrała.
Prakuratura vystaviła Biednaravaj abvinavačvańnie pa artykule ab admaŭleńni abo adabreńni hienacydu. Kali jaje pryznajuć vinavataj, joj pahražaje ad paŭhoda da troch hadoŭ źniavoleńnia.
Biednarava adchilaje abvinavačvańni i śćviardžaje, što raspaviadała svaim vučniam pra realnyja fakty. Akramia taho, jana kaža, što vučań zapisaŭ tolki 18 chvilin z 45-chvilinnaj dyskusii, i jaje słovy akazalisia vyrvanymi z kantekstu.
Vajna, raźviazanaja Rasijaj suprać Ukrainy, i prapahandysckaja kampanija, jakaja supravadžaje hetu ahresiju, šturchajuć Čechiju da pierahladu miežaŭ svabody słova, i sprava suprać Biednaravaj — užo nie pieršy taki vypadak u krainie.
U pryvatnaści, zusim niadaŭna, u krasaviku, žychar Čechii atrymaŭ šeść miesiacaŭ źniavoleńnia ŭmoŭna, štraf i zabaronu na hod pryjazdžać u Prahu za toje, što jon pryjšoŭ na antyŭradavuju demanstracyju ź simvałam «Z» i našyŭkaj PVK «Vahnier». Prysud hetamu čałavieku byŭ vyniesieny pa tym ža artykule, pa jakim vystaŭlenyja abvinavačvańni Biednaravaj.
Kamientary