Bieśpiłotniki «Šachied» («Hierań-2») patrapili pa naftabazie ŭ horadzie Krapiŭnicki — abłasnym centry Kiravahradskaj vobłaści, zajaviŭ kiraŭnik abłasnoj vajennaj administracyi Andrej Rajkovič, paviedamlaje Bi-bi-si.
Pavodle jahonych źviestak, naftabazu atakavali try drony-kamikadze, abyšłosia biez achviar, «likvidacyja nastupstvaŭ prylotu pačałasia adrazu», infarmacyja pra škodu ŭdakładniajecca.
U noč na sieradu niekalki rehijonaŭ Ukrainy, u tym liku Kijeŭskaja vobłaść, padvierhlisia čarhovamu masiravanamu ŭdaru. U Kijevie ŭłady zajavili, što srodki SPA zmahli źbić usie bieśpiłotniki.
Pavietranyja siły Ukrainy zajavili, što ŭ načnoj atacy ŭdzielničała 26 «Šachiedaŭ», 21 ź ich byŭ źbity. Siem ź ich, pa danych rehijanalnych uładaŭ, byli źbityja ŭ Dnieprapiatroŭskaj vobłaści. U Dniapry bieśpiłotnik usio ž trapiŭ u administracyjny budynak, paviedamlaŭ kiraŭnik abłasnoj vajennaj administracyi Siarhiej Łysak.
U Zaparožžy, pavodle infarmacyi miascovych uładaŭ, razburany pryvatny dom, jašče 40 paškodžana. Ci źviazana heta z načnoj atakaj «Šachiedaŭ», nie ŭdakładniajecca.
Rasijski bok pakul nijak nie kamientavaŭ paviedamleńni ab novaj sieryi ŭdaraŭ pa Ukrainie. Kijeŭ byŭ atakavany treci raz za apošnija šeść dzion.
Hetaj ža nočču, mahčyma, ukrainskija bieśpiłotniki atakavali vajskovy aeradrom u Branskaj vobłaści i reziervuar z palivam u Krasnadarskim krai Rasii, tam adbyŭsia mocny pažar.
Čytać taksama:
Rasijanie atakavali Kijeŭ «Šachiedami». Usie varožyja drony byli źbityja
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary