Hienprakuror Švied: Proźviščy tych, chto źviartaŭsia ŭ kamisiju, anansavać nie budu. Ich za miažoj zapałochvajuć
Hienieralny prakuror Andrej Švied zajaviŭ, što ŭ kamisiju pa viartańni pastupiła bolš za 70 zvarotaŭ.
Na pieršym pasiadžeńni kamisii ŭžo pryniaty šerah rašeńniaŭ, zajaviŭ jon u efiry ANT.
«Ja nie budu kazać pra ličby i anansavać niejkija proźviščy. Hetaha nielha rabić, tamu što my dakładna viedajem, što hetyja asoby za miažoj apracoŭvajucca aktyŭna, niekatorych ź ich zapałochvajuć, kab jany nie pryjazdžali siudy», — znajšoŭ tłumačeńnie Švied tamu, što ŭ kamisiju nie źviartajucca aktyŭna.
«Upeŭnieny, pryjdzie čas, kali ludzi pryjeduć, spakojna tut buduć žyć. U srodkaŭ masavaj infarmacyi budzie mahčymaść pahutaryć i ź pieršych vusnaŭ daviedacca, jak heta ŭsio było», — skazaŭ hienprakuror, vidać, namiakajučy na toje, što pa viartańni ludziej buduć prymušać davać intervju dziaržSMI.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary