Marzaluk prydumaŭ, jak patłumačyć roźnicu pamiž prychilnikami bieła-čyrvona-biełaha i čyrvona-zialonaha ściahoŭ
Na temu dziaržaŭnaj simvoliki deputat Ihar Marzaluk razvažaŭ u efiry «Biełaruś-1».
«Tyja, chto za čyrvona-zialony ściah, za hety hierb i za naš sučasny himn — heta ludzi, jakija aryjentujucca na zusim inšyja hieapalityčnyja i sacyjalna-kulturnyja kaštoŭnaści. Heta ludzi, jakija nie chočuć vajny ni z adnym z bratnich narodaŭ, jany ničoha nie bačać drennaha ŭ ščylnym supracoŭnictvie z Rasijskaj Fiederacyjaj, heta ludzi, jakija praciahvajuć tradycyjnuju biełaruskuju identyčnaść», — zajaviŭ Marzaluk, nie patłumačyŭšy, što ž jon maje na ŭvazie pad toj identyčnaściu.
«Tyja, chto aryjentavany na NATA, na Pientahon, tyja, chto aryjentavany na Zachodniuju Jeŭropu, tyja abjadnoŭvalisia pad supraćlehłymi simvałami. Kali ty padymaješ bieła-čyrvona-bieły ściah, to heta aznačaje tolki adno: ty kateharyčna suprać sučasnaj palityki, sučasnaj Kanstytucyi i ty chočaš, kab tvaja kraina stała pradmieściem Jeŭrasajuza i błoka NATA. I ty maryš pra rakiety nataŭskija na ŭzroŭni Oršy, skiravanyja na Smalensk», — tranśluje deputat.
Jon aburyŭsia zajavaj, što ŭ 2020-m naradziłasia novaja nacyja.
«Nu a my z vami chto, vatniki, kałarady? Ni bolš ni mienš dla ich», — źviarnuŭsia jon da prapahandysta ANT.
Marzaluk paŭtaryŭ taksama lubimuju lehiendu prapahandy pra «spalvańnie viosak pad bieła-čyrvona-biełymi ściahami». Nivodnaha fakta, jaki b heta paćviardžaŭ, historykam nieviadoma.
Taksama Marzaluk nazvaŭ vajnu va Ukrainie «SVO» (śpiecyjalnaj vajennaj apieracyjaj) — terminam, jaki vykarystoŭvaje rasijskaja prapahanda.
Ciapier čytajuć
Ci zakryjuć Jeŭropu dla biełarusaŭ? Daradca Cichanoŭskaj raspavioŭ, pra što damoviŭsia ŭ Bierlinie1
Kamientary
A tak vyhladaje jak prafanacyjnaja schiema doja inkaparacyi Biełarusi ŭ hubierniju. Nakont "kryvavaha" NATO, nie ahučana nivodnaja prablema, tobok navad Polšča nie pretenduje na ziemli 1939 hodu. Ale nam chto maje bieł-čyrvona-bieły nie zastajecca inšaha lehitymnaha čyńniku jak zamiest biełaruskaha pašparta atrymoivać Dokument podróży Rzeczpospolitej doja aborrny svaich pravoŭ. Spadziavacca na kałabarantaŭ toje samaje jak prahrama 500+ B-)