Hienprakuratura śćviardžaje, što niekatorych ludziej, jakija źviartalisia ŭ kamisiju pa viartańni, užo puścili na radzimu
Pad staršynstvam hienieralnaha prakurora Andreja Švieda adbyłosia pasiadžeńnie kamisii pa razhladzie zvarotaŭ hramadzian Respubliki Biełaruś, jakija znachodziacca za miažoj.
Razhladalisia, jak pišacca, zvaroty zvyš 20 asob.
Niekatoryja hramadzianie, jakija raniej atrymali adkazy kamisii, užo viarnulisia na radzimu, śćviardžaje Hienprakuratara, ale proźviščaŭ, fota i miesca dysłakacyi nie padaje.
Nahadajem, što ŭkaz pra stvareńnie kamisii pa viartańni Łukašenka padpisaŭ sioleta na pačatku lutaha. Jaje ŭznačaliŭ hienprakuror Andrej Švied. U jaje składzie siarod inšych staršynia KDB Ivan Cierciel, prapahandyst Ryhor Azaronak, sienatar Dźmitryj Baskaŭ i Juryj Vaskrasienski.
Kamisija prosić dasyłać pakajannyja listy na adras Hienieralnaj prakuratury albo na elektronnuju poštu. Dazvolena pisać na biełaruskaj movie.
U pieršy miesiac, pa śćviardžeńni kamisii, pastupiła 23 zajavy, a ŭ pačatku maja ich kolkaść vyrasła da 70.
«Ja nie budu kazać pra ličby i anansavać niejkija proźviščy. Heta nielha rabić, tamu što my dakładna viedajem, što hetyja asoby za miažoj apracoŭvajucca aktyŭna, niekatorych ź ich zapałochvajuć, kab jany nie pryjazdžali siudy», — tłumačyŭ Švied, čamu ŭ kamisiju nie źviartajucca aktyŭna.
«Upeŭnieny, pryjdzie čas, kali ludzi pryjeduć, spakojna tut buduć žyć. U srodkaŭ masavaj infarmacyi budzie mahčymaść pahutaryć i ź pieršych vusnaŭ daviedacca, jak heta ŭsio było», — skazaŭ hienprakuror, vidać, namiakajučy na toje, što pa viartańni ludziej buduć prymušać davać intervju dziaržSMI.
-
Katalicki sajt: Na Pieršym kanale katalickaja imša zastałasia, źnikła jana z kanała «Kultura»
-
Azaronak pra zakryćcio biełaruskich kram: Prybrali tamu, što vy heta lubili. Mnie nie lanota siadzieć i hladzieć, dzie što pradajuć
-
Cichanoŭskaja: Kali my nie pazbavimsia hetaha režymu, pahroza z terytoryi Biełarusi budzie zastavacca pastajannaj
Ciapier čytajuć
«Spadziajusia, ale nie fakt, što pastuplu»: abituryjentka, jakaja zdała ŭsie ispyty na 100 bałaŭ9
Kamientary