Orban raskazaŭ, što maliŭsia za pieramohu Erdahana. «Inakš była b trahiedyja»
«Pieramoha Erdahana — vielizarnaja palohka dla Vienhryi i Jeŭropy», — miarkuje premjer Vienhryi.
Premjer-ministr Vienhryi Viktar Orban raskazaŭ, što «šmat i mocna» maliŭsia za pieramohu Redžepa Taipa Erdahana na prezidenckich vybarach u Turcyi, piša RIA «Naviny».
«[Pieramoha Erdahana na vybarach —] heta vielizarnaja palohka. Ščyra skažu, ja nie tolki zaŭzieŭ za pieramohu prezidenta, ja maliŭsia za jaje, mocna i šmat. Kali b jon nie vyjhraŭ, heta była b trahiedyja», — skazaŭ Orban u efiry radyjo Kossuth.
Ź jahonych słoŭ, kali b na prezidenckich vybarach u Turcyi pieramoh «čałaviek Džordža Sorasa» (Kiemal Kyłyčdarohłu), heta aznačała b pavieličeńnie mihracyjnaj płyni ŭciekačoŭ u Jeŭropu adrazu na dva-try miljony, a taksama ŭskładniła b tranzit rasiejskaj nafty ŭ Vienhryju i Sierbiju.
Redžep Taip Erdahan nabraŭ u druhim tury bolš za 52% hałasoŭ vybarščykaŭ. Jaho supiernik — 47,82% hałasoŭ.
U subotu ŭ Ankary projdzie inaŭhuracyja.
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary