U Baranavičach žančynu asudzili na 2,5 hoda «chatniaj chimii» za niekalki reakcyj u «Adnakłaśnikach»
Sud Baranavickaha rajona i Baranavičaŭ pryznačyŭ Ludmile Sialickaj 2,5 hoda «chatniaj chimii» i štraf 70 bazavych vieličyniaŭ (2590 rubloŭ) pavodle č. 1 art. 368 (abraza Łukašenki) i art. 369 (abraza pradstaŭnika ŭłady).
Fota z telehram-kanała «Viasny»
Padstavaj dla kryminalnaj spravy stali niekalki reakcyj žančyny «kłas» na karcinki ŭ «Adnakłaśnikach». Praces viała Aksana Litvinčyk, piša «Viasna».
Sud prachodziŭ u vyjaznym režymie ŭ haradskim adździele ŭnutranych spravaŭ pry asudžanych da «chatniaj chimii». Praces byŭ pradstaŭleny jak «prafiłaktyčnaje mierapryjemstva».
Viadoma, što prakuror zaprašvaŭ try z pałovaj hady «chatniaj chimii», ale sudździa pryznačyła na hod mienš.
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary