Va Ukrainie zavočna aryštavali biełarusa, jakoha try hady tamu abmianiali na ŭkrainskaha žurnalista
Va Ukrainie sud zavočna ŭziaŭ pad vartu hramadzianina Biełarusi Juryja Palityku, jakoha try hady tamu abmianiali na ŭkrainskaha žurnalista, a miesiac tamu abviaścili ŭ mižnarodny vyšuk praź ihnaravańnie sudovych pasiadžeńniaŭ, paviedamlaje «Radyjo Svaboda».
Biełarus, jakoha 4 kastryčnika 2019 hoda abmianiali na asudžanaha ŭ Biełarusi ŭkrainskaha žurnalista Paŭła Šarojku, bolš za try hady nie źjaŭlaŭsia na sudovyja pasiadžeńni, dzie musiła razhladacca jahonaja sprava. Spačatku jon tłumačyŭ niemahčymaść pryjezdu va Ukrainu abmiežavańniami praz pandemiju karanavirusa, potym praz bajavyja dziejańni va Ukrainie i adsutnaść transpartnaha złučeńnia pamiž Ukrainaj i Biełaruśsiu.
Adnoj z umoŭ abmienu Palityki ŭ 2019 hodzie byŭ jahony abaviazkovy ŭdzieł u pasiadžeńniach suda, bo Pavieł Šarojka ŭžo atrymaŭ na toj momant vyrak u Biełarusi.
Niadaŭna stała viadoma, što advakat Palityki Taras Hiereluk, jaki abaraniaŭ biełarusa pavodle kamiercyjnaj damovy i kantaktavaŭ ź biełaruskimi dypłamatami ŭ Kijevie, paśla pačatku poŭnamaštabnaj vajny z Rasijaj źjechaŭ z Ukrainy i całkam admoviŭsia ad jurydyčnaj dziejnaści. Ciapier jon zajmajecca charčovym biznesam u Vialikabrytanii.
Druhaja advakatka, pryznačanaja Juryju Palityku na biaspłatnaj asnovie, Valancina Rahaviec, paśla pačatku vajny taksama vyjechała ŭ adnu ź jeŭrapiejskich krain i paviedamiła sudu, što nie padtrymlivaje suviazi z abvinavačvanym u špijanažy biełarusam.
Sud pryznačyŭ «biełaruskamu špijonu» novaha advakata, jaki pahadziŭsia z abviaščeńniem Juryja Palityki ŭ mižnarodny vyšuk «z ulikam materyjałaŭ kryminalnaj spravy i adpaviedna zakonu».
Biełaruskaha hramadzianina Juryja Palityku zatrymali praz padazreńnie ŭ špijanažy ŭ červieni 2017 hoda na ŭkrainskim pamiežnym pierachodzie «Novyja Jaryłavičy» na miažy ź Biełaruśsiu. Jon adsiedzieŭ u śledčym izalatary Čarnihava da kastryčnika 2019 hoda, pakul jaho nie abmianiali na ŭkrainskaha žurnalista Paŭła Šarojku, zatrymanaha ŭ Biełarusi pa anałahičnym abvinavačańni i asudžanaha na vosiem hadoŭ pazbaŭleńnia voli.
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary