Nastaŭnicu-piensijanierku z Hłybockaha rajona pakarali sutkami za «ekstremizm», vydaleny dva hady tamu
Sudździa Hłybockaha rajona Alaksandr Alaksiejenka 5 červienia pastanaviŭ pakarać aryštam na 10 sutak byłuju nastaŭnicu Prazarokskaj SŠ 66-hadovuju Alenu Kiškurnu, jakaja ŭ sacyjalnych sietkach raspaŭsiudziła «ekstremisckija» materyjały, uziatyja joju na piaci infarmacyjnych resursach, daviedałasia «Viciebskaja viasna».
Na sudovym pasiedžańni Alena Vacłavaŭna nie asprečvała faktu najaŭnaści ŭ jaje staronki ŭ sacyjalnaj sietcy «UKantakcie», jak i taho, što na hetaj staroncy byli źmieščanyja materyjały, uklučanyja ciapier u respublikanski śpis ekstremisckich materyjałaŭ. Adnak u sudzie taksama było ŭstanoŭlena, što hetaja infarmacyja była vydalenaja piensijanierkaj jašče ŭ 2021 hodzie.
Tym nie mienš, na padstavie pryznańnia viny «pravaparušalnicy» i vykarystoŭvajučy č. 2 art. 19.11 KaAP sudździa Alaksiejenka prysudziŭ žančynie aryšt terminam na dziesiać sutak i kanfiskavaŭ u piensijanierki ŭ dachod dziaržavy sistemny błok piersanalnaha kampjutara.
Kamientary