Školny kirmaš kala Pałaca sportu zapracuje paśla zakančeńnia II Hulniaŭ krain SND
U staličnych univiermahach takija placoŭki arhanizavali ŭžo ŭ siaredzinie lipienia.
Ab pracy školnych kirmašoŭ u Minsku raspaviała načalnik hałoŭnaha ŭpraŭleńnia handlu i pasłuh Minharvykankama Alena Nahornaja, piša Tochka.by.
«Byŭ padrychtavany samy šyroki asartymient dla luboha spažyŭca: jak dla školnika, jakomu možna padabrać samaje zručnaje i jakasnaje adzieńnie, tak i dla, moža być, samych prydzirlivych baćkoŭ», — adznačyła Nahornaja.
Ale ŭ stalicy adkryjecca jašče adna placoŭka: zakupicca da škoły možna budzie la Pałaca sportu. Školny bazar źjavicca na Niamizie paśla zakančeńnia II Hulniaŭ krain SND. Jon budzie pracavać 19, 20, 26, 27 žniŭnia i 2—3 vieraśnia.
«My ŭžo druhi hod praktykujem takoje i bačym, što heta ŭsio ž taki karystajecca popytam, baćkam zručna», — raspaviała načalnik hałoŭnaha ŭpraŭleńnia handlu i pasłuh Minharvykankama.
Dzie zakupić usio dla škoły sa źnižkami
Źnižki i akcyi na ŭsio nieabchodnaje da navučalnaha hoda abviaścili ŭ čatyroch minskich kramach.
HUM
Kožny dzień u minskim HUMie dziejničaje źnižka da 40% na vydzieleny školny asartymient.
Z 1 pa 20 žniŭnia ŭ kramie prachodzić akcyja «Idealny recept pakupak». Kali ŭ čeku na sumu ad 100 rubloŭ budzie dva tavary, jakija ŭdzielničajuć u akcyi, u padarunak pakupniki atrymajuć sumku-šopier i źnižku 50% na marožanaje ŭ kafieteryi.
Z 27 žniŭnia pa 6 vieraśnia ŭ HUMie projdzie rekłamnaja hulnia: siarod pakupnikoŭ z čekam na sumu ad 150-ci rubloŭ razyhrajuć noŭtbuk, rovar, biespravadnyja navušniki i siertyfikaty na pakupki.
CUM
U CUM pa pakupki da škoły sa źnižkaj 10% možna adpraŭlacca ŭ luby dzień, akramia paniadziełka. Jana dziejničaje na ŭvieś školny asartymient.
Peŭnyja tavary možna kupić sa źnižkaj da 20%, ale tolki ŭ sieradu.
«Na Niamizie» i «Biełaruś»
U handlovym domie i ŭniviermahu na ŭvieś školny asartymient štodnia jość źnižka 10%, a na vydzielenyja tavary — da 50%.
Kali «Na Niamizie» zakupić tavary dla škoły na sumu ad 70-ci rubloŭ, to ŭ padarunak možna atrymać kancylarskija pryłady.
A pry kupli adnoj adzinki školnaha adzieńnia va ŭniviermahu «Biełaruś» vydajuć kupon na peŭnyja kancylarskija tavary, zaplečniki i abutak sa źnižkaj ad 15 da 45%.
Kamientary