U Smalavickim rajonie mužčyna visieŭ na pravadach na vyšyni 7 mietraŭ
Jak raskazali ŭ MNS, uviečary 10 žniŭnia ratavalnikam pastupiła paviedamleńnie ab tym, što patrabujecca dapamoha ŭ spusku z vyšyni mužčyny pablizu vioski Kalniki Smalavickaha rajona.
«Mužčyna, znachodziačysia na leciščy, zalez na słup linij elektrapieradač, zabłytaŭšysia ŭ pravadach, pavis na słupie, a samastojna spuścicca nie zmoh. Kab spuścić čałavieka na ziamlu, vykarystoŭvali aŭtadrabiny», — adznačyli ŭ viedamstvie.
Urešcie supracoŭniki MNS źniali mužčynu z vyšyni 7 mietraŭ. Bryhadaj chutkaj miedycynskaj dapamohi vyratavany byŭ dastaŭleny ŭ balnicu.
Kamientary