U Minsku 1 vieraśnia startuje maštabny ekśpierymient pa apłacie hramadskaha transpartu
«My stavim sabie zadaču ŭ ramkach ekśpierymientu arhanizavać ulik usich katehoryj pieraviezienych pasažyraŭ, asabliva lhotnaj katehoryi, i praličyć usie vydatki, źviazanyja z pracaj transpartu», — kažuć u Minharvykankamie.
Ekśpierymient pa apłacie pracy transpartu startuje ŭ Minsku 1 vieraśnia. Pra jaho padrabiaznaści raspaviała BiełTA namieśnica staršyni kamiteta ekanomiki Minharvykankama Volha Lavoška.
Zhodna z pastanovaj Saŭmina №22, u Minsku pravodzicca ekśpierymient pa apłacie transpartnaj pracy pry vykanańni haradskich aŭtamabilnych pieravozak pasažyraŭ transpartam ahulnaha karystańnia. «My stavim sabie zadaču ŭ ramkach ekśpierymientu arhanizavać ulik usich katehoryj pieraviezienych pasažyraŭ, asabliva lhotnaj katehoryi, i praličyć usie vydatki, źviazanyja z pracaj transpartu, — adznačyła Volha Lavoška. — Ilhotnaja katehoryja hramadzian, jakaja maje prava biaspłatnaha prajezdu ŭ haradskim pasažyrskim transparcie, vyznačana zakanadaŭstvam. Dadatkova ŭ Minsku prava na biaspłatny prajezd majuć i studenty 1-2-ch kursaŭ siarednich śpiecyjalnych ustanoŭ adukacyi».
Prava biaspłatnaha prajezdu zabiaśpiečvajecca na padstavie dakumienta, jaki paćviardžaje prava na lhoty. Naprykład, siońnia školniki i studenty 1-2-ch kursaŭ siarednich śpiecyjalnych ustanoŭ adukacyi majuć takoje prava na padstavie karty navučenca, bileta navučenca «vučnioŭski bilet» (pry ich adsutnaści — daviedki).
Pavodle jaje słoŭ, z 1 vieraśnia navučencam dvuch staličnych kaledžaŭ i čatyroch škoł buduć vydadzieny bieskantaktavyja smart-karty, anałahičnyja prajaznomu.
«Na pieršapačatkovym etapie ekśpierymientu my ŭziali čatyry škoły i dva kaledžy, kab zabiaśpiečyć navučencaŭ hetych navučalnych ustanoŭ śpiecyjalnaj kartkaj. Užo raspracavany jaje makiet, — paviedamiła namieśnik staršyni kamiteta. — Hety ekśpierymient my pačynajem mienavita sa školnikaŭ, bo kultura apłaty prajezdu pavinna farmavacca sa školnaj łaŭki. Chaj dla dziciaci prajezd kaštuje nul rubloŭ, ale, užo zachodziačy ŭ hramadski transpart, jon budzie razumieć, što treba prykłaści da validatara kartku i zrabić apłatu. Takim čynam, heta ŭvojdzie ŭ zvyčku ŭ dalejšym, što za prajezd nieabchodna płacić».
Dalej, z 1 kastryčnika, u ramkach ekśpierymientu kartki buduć vydadzieny lhotnaj katehoryi hramadzian – invalidam, vieteranam vajny.
«My płanujem zabiaśpiečyć ich takimi ž kartkami praz adździaleńni Fondu sacyjalnaj abarony, — skazała Volha Lavoška. — A z 1 studzienia 2024 hoda ŭ płanach zabiaśpiečyć vydačaj kartak usich hramadzian ilhotnych katehoryj. Heta budzie zručna i samim pasažyram, i ŭ nas budzie mahčymaść udaskanalvać paradak kampiensacyi vydatkaŭ ź biudžetu za vykananuju transpartnuju pracu».
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary