Polšča z 17 vieraśnia zabaronić ujezd zarehistravanych u Rasii lehkavych aŭtamabilaŭ
Simvalična, što heta zroblena ŭ dzień vyzvalenčaha pachodu Čyrvonaj armii 17 vieraśnia 1939 hoda.
Polšča 17 vieraśnia zabaronić ujezd zarehistravanych u Rasii lehkavych aŭtamabilaŭ. Pra heta, jak piša polskaje dziaržaŭnaje ahienctva PAP, paviedamiŭ kiraŭnik MUS krainy Marjuš Kamiński padčas pres-kanfierencyi.
Pastanova pryniataja ŭ suviazi z publikacyjaj 8 vieraśnia ŭkazańniaŭ Jeŭrakamisii.
Pa słovach Kamińskaha, zabarona budzie dziejničać jak na kamiercyjnyja aŭtamabili, tak i na asabistyja, niezaležna ad hramadzianstva ŭładalnika mašyny.
«Heta jašče adzin elemient sankcyj, uviedzienych suprać Rasii i jaje hramadzian u suviazi z žorstkaj vajnoj va Ukrainie. U suviazi z tym, što rasijskaja dziaržava ŭjaŭlaje saboj pahrozu mižnarodnaj biaśpiecy», — cytuje Kamińskaha PAP.
8 vieraśnia Jeŭrakamisija apublikavała abnaŭleńnie da adkazaŭ na pytańni, jakija časta zadajuć, u jakim tłumačyłasia, što ŭ adpaviednaści z uviedzienymi ŭ kastryčniku sankcyjami rasijanie nie mohuć uvozić u ES aŭtamabili na rasijskich numarach, noŭtbuki, smartfony, kaśmietyku i šerah inšych tavaraŭ.
Raniej ab zabaronie na ŭjezd zarehistravanych u Rasii aŭto abviaścili Łatvija, Litva, Estonija i Finlandyja, padsumoŭvaje «Dožd́».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2222
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?22
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3131
Kamientary