Vahnieraŭcy zajavili, što praciahvajuć pracu na biełaruskim kirunku
Bajeviki rasijskaj PVK «Vahnier» praciahvajuć pracu na afrykanskim i biełaruskim kirunkach, paviedamiŭ blizki da kampanii telehram-kanał. Ni ab jakim zakryćci kampanii havorki nie idzie, śćviardžajuć jany.
«Tavaryšy. Paviedamlajem vam, što PVK «Vahnier» nie spyniała i praciahvaje svaju pracu na afrykanskich i biełaruskich kirunkach. Ni ab jakim zakryćci kampanii havorki nie idzie. Kamandavańnie PVK hetak ža vyrašaje ŭsie pastaŭlenyja zadačy i viadzie kiravańnie kampanijaj. Prosim nie vieryć čutkam i plotkam i daviarać infarmacyi tolki z aficyjnych kanałaŭ kampanii», — havorycca ŭ paviedamleńni.
Bajcy PVK «Vahnier» stali prybyvać u Biełaruś paśla niaŭdałaha miaciažu Jaŭhiena Pryhožyna 24 červienia.
Ich kolkaść naličvała, pavodle roznych acenak, ad čatyroch da siami tysiač čałaviek. Asnoŭnym miescam dysłakacyi ŭ krainie była vioska Cel u Asipovickim rajonie, dzie źjaviŭsia ich łahier. Taksama najmity zajmalisia navučańniem biełaruskich vajskoŭcaŭ.
Adnak paśla hibieli Jaŭhiena Pryhožyna i jaho paplečnikaŭ u avijakatastrofie ŭ Ćviarskoj vobłaści 23 žniŭnia kolkaść vahnieraŭcaŭ stała źmianšacca. Naprykład, śpikier Dziaržaŭnaj pamiežnaj słužby Ukrainy Andrej Dziemčanka 24 vieraśnia zajaviŭ, što ciapier u Biełarusi zastajucca kala 1000 vahnieraŭcaŭ. «Bajpoł» aceńvaje kolkaść vahnieraŭcaŭ u Celi nie bolš jak u 200 čałaviek.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Nie zria sosiedi obnosiat zaborom i rvom s krokodiłami.