Łukašysty chočuć pakazać vyviezienych z Ukrainy dziaciej zamiežnym dypłamatam — MZS Ukrainy
Pavodle infarmacyi MZS Ukrainy, 4 kastryčnika u Biełarusi źbirajucca arhanizavać naviedvańnie zamiežnymi dypłamatami, akredytavanymi ŭ Minsku, miescaŭ «pražyvańnia, navučańnia i azdaraŭleńnia» ŭkrainskich dziaciej, vyviezienych raniej z časova akupavanych haradoŭ Lisičansk i Sievieradanieck Łuhanskaj vobłaści.
«Adznačanaje mierapryjemstva maje na mecie realizacyju niezakonnaha pieramiaščeńnia ŭkrainskich dziaciej z časova akupavanych terytoryj Ukrainy. Zhodna z normami mižnarodnaha prava, prymusovaja departacyja dziaciej moža kvalifikavacca jak vajennaje złačynstva», — havorycca ŭ kamientary ŭkrainskaha MZS.
Adpaviedna ŭkrainskaje dypłamatyčnaje viedamstva zaklikaje zamiežnyja dziaržavy, dypłamatyčnyja pradstaŭnictvy jakich atrymali adpaviednyja zaprašeńni ŭ Minsku, ustrymacca ad udziełu ŭ hetaj pajezdcy, kvalifikujučy jaje jak prapahandysckuju. Mižnarodnymi ž pradstaŭnikami słužbovyja asoby Biełarusi chočuć, maŭlaŭ, tolki prykrycca, kab paźbiehnuć adkaznaści.
Pry hetym MZS Ukrainy abiacaje, što praciahnie pracu pa pryciahnieńni da adkaznaści ŭsich asob, vinavatych u vyvazie ŭkrainskich dziaciej z Ukrainy, prytym budzie rabić heta «jak na ŭzroŭni nacyjanalnaha rasśledavańnia, tak i ŭ ramkach rasśledavańnia Mižnarodnaha kryminalnaha suda».
Niezakonny vyvaz z akupavanych terytoryj ukrainskich dziaciej rasceńvajecca mižnarodnaj supolnaściu jak vajennaje złačynstva. Prezident Rasii Uładzimir Pucin i rasijskaja ambudsmienka pa pravach dziciaci Maryja Lvova-Białova za heta ŭžo atrymali ordary na aryšt ad Mižnarodnaha kryminalnaha suda ŭ Haazie. Biełaruskija demakratyčnyja siły źbirajuć materyjały dla MKS, jakija dakazvajuć dačynieńnie da niezakonnaha vyvazu ŭkrainskich dziaciej pradstaŭnikoŭ režymu Łukašenki, uklučajučy i jaho samoha.
U rezalucyi ad 13 vieraśnia Jeŭraparłamient zajaviŭ, što dziejańni Łukašenki i jahonaha režymu možna kvalifikavać jak złačynstvy suprać čałaviečnaści (departacyja abo hvałtoŭnaje pieramiaščeńnie nasielnictva) pavodle Rymskaha statutu i zaklikaŭ Mižnarodny kryminalny sud vydać ordar na aryšt Łukašenki.
Tałaj znoŭ pryvioz u Biełaruś dziaciej z Danbasa
Pasoł u Rasii apraŭdvaŭsia za vyviezienych u Biełaruś ukrainskich dziaciej
My nie ŭdzielničajem u vyvazie dziaciej za miežy Ukrainy — rehijanalny ofis JUNISIEF
Biełaruskaja deputatka: Dziaciej z Ukrainy vyvoziać pry sadziejničańni AAN i Čyrvonaha Kryža
Kiraŭnik Biełaruskaha Čyrvonaha Kryža, jaki zaśviaciŭsia z Z-simvolikaj, raskazaŭ, što robić na Danbasie
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
Raźnicy, mieždu pochiŝienijem ukrainskich dietiej fašistami Hiermanii i pochiŝienijem ukrainskich dietiej fašistskoj Rośsijej i Biełaruśju, s točki zrienija Mieždunarodnoho Prava i fakta sovieršionnoho priestuplenija - NIKAKOJ !