Bankir raskazaŭ, jak ułady płanujuć zabiaśpiečyć rost ekanomiki
Na nastupny hod biełaruskija ŭłady zapłanavali rost VUP na 3,8%. Staršynia praŭleńnia Banka raźvićcia Alaksandr Jahoraŭ raskazaŭ, za košt čaho hety rost buduć dasiahać.
Alaksandr Jahoraŭ u intervju BT adznačyŭ, što asnoŭnym drajvieram biełaruskaj ekanomiki budzie pramysłovaść.
Druhim — sielskaja haspadarka.
«Niahledziečy na toje, što sielskaja haspadarka zajmaje niaznačnuju dolu z punktu hledžańnia dabaŭlenaj vartaści ŭ VUP, ale dabaŭlenaja vartaść, jakuju jana hienieruje ahułam u ekanomicy, vializnaja. Što takoje sielskaja haspadarka? Heta pierapracoŭčaja pramysłovaść, pa-pieršaje. Pa-druhoje, budaŭnictva — budaŭnictva pradpryjemstvaŭ, małočna-tavarnych fierm. Treciaje — heta ŭnutrany popyt z punktu hledžańnia handlu. Ludzi, jakija atrymvajuć zarobak u sielskaj haspadarcy, pierapracoŭčaj pramysłovści, budoŭli, potym iduć i traciać hetyja hrošy ŭ kramach».
Trecim drajvieram Jahoraŭ nazvaŭ rost pasłuh.
«IT-pasłuhi ŭ prahnozie zakładzieny kala 10% rostu. Inšyja pasłuhi, jakija moža prapanavać Respublika Biełaruś — transpartnyja pasłuhi — jany taksama pavinny raści», — skazaŭ jon.
Treba adznačyć, što ekspart mienavita transpartnych i IT-pasłuh upaŭ u Biełarusi z pačatkam poŭnamaštabnaj vajny va Ukrainie.
Što da kursu rubla, to staršynia praŭleńnia Banka raźvićcia zaŭvažyŭ, što jon prasiadaje tolki adnosna dalara i jeŭra, a adnosna rasijskaha rubla — nie.
«Rasijskaja Fiederacyja dla nas źjaŭlajecca asnoŭnym handlovym partnioram, i z punktu hledžańnia kursavoj palityki my pavinny zachoŭvać parytet realnaha efiektyŭnaha kursu i jon zachoŭvajecca. Tamu cisk na inflacyju z punktu hledžańnia rostu kurs budzie minimalnym. Čamu? Bo toj ža impart praduktaŭ, jakija ŭvachodziać u spažyviecki košyk, nasamreč idzie ŭžo nie z krain Zachodniaj Jeŭrpy, nie z ZŠA, a z Rasijskaj Fiederacyi».
Jon dadaŭ, što buduć taksama źnižać zatraty na vytvorčaść, kab nie dać inflacyi razhulacca.
Ekpart (u płanach na 2024-ty — jaho rost na 7%) Biełaruś źbirajecca naroščvać nie tolki ŭ Rasiju i krainy JEAES, ale ŭ Aziju, Afryku, Centralnuju i Łacinskuju Amieryki.
Nakolki realistyčny prahnoz raźvićcia ekanomiki na nastupny hod
U Minsku adkryłasia pieršaja krama sietki «Vožyk»
Chočuć pavysić padatak na pieršuju kvateru i aŭtamabili, pavialičyć nahruzku na IP. Jakija źmieny rychtujuć u Padatkovy kodeks
Biełaruś z pačatku hoda adpraviła 8,5 miljona ton hruzaŭ praz rasijskija party
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary
Čamu? Bo toj ža impart praduktaŭ, jakija ŭvachodziać u spažyviecki košyk,
nasmareč idzie ŭžo nie z krain Zachodniaj Jeŭropy, nie z ZŠA, a z Rasijskaj
Fiederacyi.
Voś tolki spadar Jahoraŭ zabyŭsia dadać, što pry padobnym padychodzie Rasieja budzie hałoŭnaj krynicaj inflacyi ŭ Biełarusi. A kali da hetaha jašče dałučacca biełaruskija dziaržinviestycyi Prakapovič-stajł, jakija nia tolki majuć emisijny charaktar, ale i vielmi redka adpaviadajuć zapytam rynka, to vynik budzie jašče bolš horšym.
https://web-analytics.online/327938