На наступны год беларускія ўлады запланавалі рост ВУП на 3,8%. Старшыня праўлення Банка развіцця Аляксандр Ягораў расказаў, за кошт чаго гэты рост будуць дасягаць.
Аляксандр Ягораў у інтэрв'ю БТ адзначыў, што асноўным драйверам беларускай эканомікі будзе прамысловасць.
Другім — сельская гаспадарка.
«Нягледзечы на тое, што сельская гаспадарка займае нязначную долю з пункту гледжання дабаўленай вартасці ў ВУП, але дабаўленая вартасць, якую яна генеруе агулам у эканоміцы, вялізная. Што такое сельская гаспадарка? Гэта перапрацоўчая прамысловасць, па-першае. Па-другое, будаўніцтва — будаўніцтва прадпрыемстваў, малочна-таварных ферм. Трэцяе — гэта ўнутраны попыт з пункту гледжання гандлю. Людзі, якія атрымваюць заробак у сельскай гаспадарцы, перапрацоўчай прамысловсці, будоўлі, потым ідуць і трацяць гэтыя грошы ў крамах».
Трэцім драйверам Ягораў назваў рост паслуг.
«ІТ-паслугі ў прагнозе закладзены каля 10% росту. Іншыя паслугі, якія можа прапанаваць Рэспубліка Беларусь — транспартныя паслугі — яны таксама павінны расці», — сказаў ён.
Трэба адзначыць, што экспарт менавіта транспартных і ІТ-паслуг упаў у Беларусі з пачаткам поўнамаштабнай вайны ва Украіне.
Што да курсу рубля, то старшыня праўлення Банка развіцця заўважыў, што ён прасядае толькі адносна даляра і еўра, а адносна расійскага рубля — не.
«Расійская Федэрацыя для нас з'яўляецца асноўным гандлёвым партнёрам, і з пункту гледжання курсавой палітыкі мы павінны захоўваць парытэт рэальнага эфектыўнага курсу і ён захоўваецца. Таму ціск на інфляцыю з пункту гледжання росту курс будзе мінімальным. Чаму? Бо той жа імпарт прадуктаў, якія ўваходзяць у спажывецкі кошык, насамрэч ідзе ўжо не з краін Заходняй Еўрпы, не з ЗША, а з Расійскай Федэрацыі».
Ён дадаў, што будуць таксама зніжаць затраты на вытворчасць, каб не даць інфляцыі разгуляцца.
Экпарт (у планах на 2024-ты — яго рост на 7%) Беларусь збіраецца нарошчваць не толькі ў Расію і краіны ЕАЭС, але ў Азію, Афрыку, Цэнтральную і Лацінскую Амерыкі.
Наколькі рэалістычны прагноз развіцця эканомікі на наступны год
У Мінску адкрылася першая крама сеткі «Вожык»
Хочуць павысіць падатак на першую кватэру і аўтамабілі, павялічыць нагрузку на ІП. Якія змены рыхтуюць у Падатковы кодэкс
Беларусь з пачатку года адправіла 8,5 мільёна тон грузаў праз расійскія парты
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер12
Каментары
Чаму? Бо той жа імпарт прадуктаў, якія ўваходзяць у спажывецкі кошык,
насмарэч ідзе ўжо не з краін Заходняй Еўропы, не з ЗША, а з Расійскай
Федэрацыі.
Вось толькі спадар Ягораў забыўся дадаць, што пры падобным падыходзе Расея будзе галоўнай крыніцай інфляцыі ў Беларусі. А калі да гэтага яшчэ далучацца беларускія дзяржінвестыцыі Пракаповіч-стайл, якія ня толькі маюць эмісійны характар, але і вельмі рэдка адпавядаюць запытам рынка, то вынік будзе яшчэ больш горшым.
https://web-analytics.online/327938