«Kum Pucina» Viktar Miedźviadčuk paśla vyzvaleńnia abzavioŭsia novaj jachtaj za 9,6 miljona dalaraŭ
Vytvorca — italjanskaja Ferretti Group — nazyvaje jaje «źniščalnikam».
Siamja byłoha ŭkrainskaha deputata Viktara Miedźviedčuka, jakoha miedyja nazyvajuć «kumam Uładzimira Pucina», paśla jaho abmienu na vajskoŭcaŭ USU atrymała ŭ ekspłuatacyju novuju jachtu koštam 886 młn rasijskich rubloŭ (9 młn 627 tysiač dalaraŭ), jak vyśvietliła «Viorstka».
Havorka idzie pra chutkasnuju jachtu Pershing 9X, jakuju vytvorca — italjanskaja Ferretti Group — nazyvaje «źniščalnikam». Na borcie 28-mietrovaha sudna jość čatyry kajuty z vaśmiu spalnymi miescami. Usiaho jachta moža źmiaścić da 20 haściej.
Jak vynikaje z mytnych źviestak, sudna pad nazvaj Amore Mio zusim novaje: jaho spuścili na vadu ŭ 2023 hodzie. Rasijskuju mytniu jano prajšło 26 lipienia. Jachta padyšła da rasijskich vodaŭ pad ściaham Pałau, pry hetym jaje adpraŭnikam značycca kampanija Lavel Fzco z AAE.
Atrymalnikam jachty ŭ Rasii pakazana AT «Reniesans». Zhodna z aŭdytarskim zaklučeńniem ad 24 lutaha 2021 hoda, bienieficyjarny ŭładalnik kampanii — hramadzianka Ukrainy Aksana Marčanka, žonka Miedźviedčuka.
Firma aformiła «časovy ŭvoz» jachty. Hetuju praceduru vykarystoŭvajuć, kali znachodžańnie tavaru na mytnaj terytoryi niemetazhodna na pastajannaj asnovie. Da taho ž jana častkova vyzvalaje dekłaranta ad vypłaty mytnych płaciažoŭ.
Paśla poŭnamaštabnaha ŭvarvańnia Rasii va Ukrainu Miedźviedčuka pa padazreńni ŭ dziaržzdradzie zatrymała SBU. U vieraśni 2022 hoda jon byŭ vydadzieny Rasii ŭ abmien na pałonnych bajcoŭ bataljona «Azoŭ». Ciapier jon žyvie ŭ Rasii.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary