«Padpisvaješ damovu: zabaronienyja spałučeńni koleraŭ, zabaronienyja słovy, zabaronienyja žesty». Muzyka z dueta «AIHIEŁ» raskazaŭ pra vystupleńnie ŭ Minsku ŭ 2021 hodzie
Vykanaŭca rasijskaha dueta «AIHIEŁ» Ilja Baramija daŭ intervju Juryju Dudziu, u jakim siarod inšaha zhadaŭ pra atmaśfieru ŭ Minsku ŭ kancy 2021 hoda, kali jon pryjazdžaŭ u Biełaruś z kancertam.
«Tam užo paŭ-Minska byli raźjechalisia, to-bok tam užo prosta Saviecki Sajuz, i ty taki dumaješ — blin, nam niadoŭha ciapier da hetaha. Nu i voś ty padpisvaješ damovu, pierad tym jak vyjści na scenu: zabaronienyja spałučeńni koleraŭ, zabaronienyja słovy, zabaronienyja žesty. Voś u ciabie papiera zabaron. I ja tady dumaŭ — blin…», — padzialiŭsia ŭspaminami Baramija.
Pry hetym pieśniu «Drenny chłopčyk», napisanuju pra Łukašenku, hrać muzykam nie zabaranili, vidać, tamu, što jana na tatarskaj movie i jaje słoŭ prosta nie razumieli.
Na pytańnie viadučaha, čamu muzyki pajechali vystupać u Biełaruś u kancy 2021 hoda, kali ŭžo na ŭsiu moc išli represii, i da taho ž była nieabchodnaść padpisvać takija papiery, Baramija adkazaŭ, što pra zabarony prosta nie viedaŭ i nie dumaŭ, što hetyja podpisy buduć ad jaho vymahać. Vystupaŭ ža tamu, što, maŭlaŭ, upeŭnieny ŭ svajoj aŭdytoryi i hatovy vystupać dla jaje ŭsiudy, dzie dla hetaha budzie choć jakaja mahčymaść.
«AIHIEŁ» — rasijski elektronny chip-chop-duet, jaki vykonvaje pieśni na rasiejskaj i tatarskaj movach. Jaho ŭdzielniki — Ilja Baramija z Sankt-Pieciarburha i Ajhiel Hajsina z Nabieražnych Čałnoŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary