Były rabotnik śpirtzavoda z-pad Jelska, brat jakoha zahinuŭ za Rasiju, pajechaŭ u «DNR» z humanitarkaj
«Ja pavinien zabrać orden brata i naviedać jaho mahiłu pobač z baćkam», — zajaviŭ mužčyna.
U prarasijskim kanale «Biełaruś z Danbasam» raskazvajecca pra Alaksandra, jaki pajechaŭ u horad Amvrosijeŭka (Daniecki rajon) pieradać humanitarnuju dapamohu rasijskim sałdatam. Jaho brat vajavaŭ na baku Rasii i zahinuŭ, a ciapier pachavany ŭ Horłaŭcy (Danieckaja vobłaść).
«Ja pavinien zabrać orden brata, naviedać jaho mahiłu pobač z baćkam i pieradać dapamohu chłopcam, ź jakimi jon abaraniaŭ rodny horad», — pryvodzić słovy mužčyny kanał.
Razmova pra 45-hadovaha Alaksandra Stryžaka. Jahonuju asobu my vyznačyli, dziakujučy źviestkam ad «Kibierpartyzanaŭ» i supastaŭleńniu bijahrafii z toj, što apisali prapahandysty.
Jon rodam z Horłaŭki, horada, jaki z krasavika 2014-ha akupavany rasijskaj armijaj i ŭvachodziŭ u «DNR». Jon pryjechaŭ u Biełaruś razam z maci, jakaja, zhodna sa źviestkami ad «Kibierpartyzanaŭ», u 2003-m atrymała rasijskaje hramadzianstva. Asieli jany ŭ vioscy Daniłaŭka, jakaja znachodzicca ŭ Jelskim rajonie Homielskaj vobłaści.
Maci Alaksandra mieła IP, a taksama paśpieła papracavać u Jelskaj spartyŭnaj škole i na Jelskim kansiervavym zavodzie. Sam mužčyna aficyjna pracavaŭ tolki ślesaram na Dobrynskim śpirtzavodzie (jašče ŭ 2007-m), a paśla značyŭsia biespracoŭnym.
Pa źviestkach «Kibierpartyzanaŭ», mužčyna paśpieŭ zajmieć prablemy z zakonam: niekalki administracyjnych spraŭ za «pjanki» i kryminalnaja sprava za kiravańnie ŭ niećviarozym stanie i stvareńnie avaryjnaj situacyi.
Bačna taksama, što ŭ mužčyny prablemy sa zdaroŭjem — Stryžak pierasoŭvajecca z dapamohaj kijka.
Imavierna, jahony brat byŭ ukraincam pa hramadzianstvie, bo ŭ biełaruskich bazach brata ŭ Alaksandra niama. Jahony baćka pamior i pachavany ŭ Horłaŭcy. Nieviadoma, kim byŭ jahony brat i kali zahinuŭ na vajnie. Łukašyscki kanał piša, što paśmiarotna jaho ŭznaharodzili ordenam i pachavali pobač z baćkam.
Alaksandr kupiŭ dla rasijskich vojskaŭ paŭerbenki, bienzapiłu, dyzielny hienieratar i miedycynskija preparaty (praŭda, nie jasna, na jakija hrošy, z ulikam jaho pracoŭnaj bijahrafii). Usio heta z dapamohaj «vałancioraŭ» z RF jon zdoleŭ pieradać padraździaleńniam. Nakolki viadoma, jon užo viarnuŭsia dadomu.
«Naša Niva» źviarnułasia da jaho pa kamientar, ale Alaksandr nie staŭ havaryć.
«Vybačajcie, mnie niecikavyja vašy pytańni», — adkazaŭ jon.
«Naša Niva» — bastyjon biełaruščyny
PADTRYMAĆ«Biełarusy, jakija doma, čakajcie nas». Były roznarabočy z Łuninieččyny vajuje za Rasiju — uziaŭ pazyŭny «Bulba»
Instruktar «Vahniera» z pazyŭnym «Brest»: Biełaruś — taki ž kirunak, jak i inšyja. A my spatrebimsia pierad vybarami
Šturmavik Pałka Kalinoŭskaha pra rasijskich sałdat: Siadzieŭ z paŭtaraškaj piva kala padjezda, a ciapier z takimi ž prydurkami jedzie «mačyć ukropaŭ»
Kamientary
hienieratar i miedycynskija preparaty (praŭda, nie jasna, na jakija hrošy, z
ulikam jaho pracoŭnaj bijahrafii)
Zrazumieła, što ŭ marhinała z depriesyŭnaha rehijona na Homielščyni hrošaŭ na padarunki rasiejskim akupantam va Ŭkrainie niama. Zrešty ich maje łukašenkaŭskaja mastačka-prapahandystka Žyhimont, za chałujskija tvory jakoj ščodra płacić łukašenka z hrošaŭ biełaruskaha biudžetu. Darečy, mienavita jana staić pobač z sabžam.
Chorošije novosti!
Hubiernator
Mohilovskoj obłasti Anatolij Isačienko na vstriečie s priedstavitielem Fonda
Tałaja v Mohilovie Vitalijem Bieriozko poddieržał idieju priniať na
ozdorovlenije i otdych hruppu dietiej s Donbassa!
Hubiernatorom dany
sootvietsvujuŝije poručienija i rabota po podhotovkie prohrammy priebyvanija
načałaś. A sotrudniki Fonda Tałaja pri poddieržkie Postojannoho komitieta
Sojuznoho hosudarstva Biełarusi i Rośsii pristupili k formirovaniju piervoj
hruppy dietok v Mohilov. Hieohrafija otdycha v Biełarusi rasširiajetsia. Budiem
nadiejaťsia, čto v skorom vriemieni každyj riehion budiet učastnikom prohrammy
«My - odna sieḿja!» po primieru Minska, Novopołocka, Solihorska, Homiela i
Mohilova.