U Rasii prahnazujuć rost strataŭ u vajnie. Heta vynikaje z zajaŭki na pratezy ŭ nastupnym hodzie
Minpracy Rasii prahnazuje rost popytu na pratezy. Pa padlikach viedamstva, u nastupnym hodzie spatrebicca na 10-20 tysiač pratezaŭ bolš.
U tłumačalnaj zapiscy da zakonaprajekta «Ab sacyjalnaj abaronie invalidaŭ», piša «Baza», Minpracy raskryvaje statystyku pa popycie na pratezy. Ciapier, zychodziačy z kolkaści zajavak, patreba ŭ pratezach składaje kala 50-60 tysiač vyrabaŭ u hod.
«Prahnazujemaja patreba ŭ pratezach u bližejšy pieryjad aceńvajecca ŭ abjomie nie mienš za 60-70 tysiač vyrabaŭ u hod z ulikam novych rehijonaŭ», — havorycca ŭ tłumačalnaj zapiscy.
Minpracy adznačaje, što ŭ asnoŭnym heta pratezy noh — 88% ad ahulnaj kolkaści, tyja, što zastalisia 12% — pratezy ruk.
Chacia «Baza» vykazvaje mierkavańnie, što pavieličeńnie kolkaści pratezaŭ nie źviazana z vajnoj (dla vajskoŭcaŭ iduć jašče asobnyja zakupki), ale ŭ kastryčniku namieśnik ministra pracy Alaksiej Voŭčanka nazvaŭ «jarkaj prablemaj» situacyju z amputacyjaj kaniečnaściaŭ udzielnikam vajny.
Pavodle jaho słoŭ, bolš za pałovu ŭdzielnikaŭ vajny va Ukrainie, jakija prachodziać miedycynski ahlad, majuć amputacyi kaniečnaściaŭ.
Pa danych «Miedyjazony», z 24 lutaha 2022 pa 29 listapada 2023 hoda paćvierdžana hibiel jak minimum 38 261 rasijskaha vajskoŭca. Vydańnie adznačaje rezki rost hetych ličbaŭ u listapadzie, jon źviazany z aktyŭnymi bajami: z pačatku listapada žurnalisty rehistrujuć vialikuju kolkaść niekrałohaŭ ź miescam hibieli pad Aŭdziejeŭkaj, da ich dadalisia publikacyi ab zahinuŭšych u Chiersonskaj vobłaści — tam bai iduć na vyspach Dniapra i kala vioski Krynki na padkantrolnym Rasii levym bierazie.
Kolkaść paranienych zvyčajna ŭ try-piać razoŭ bolšaja za kolkaść zahinułych.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary