U Safii znosiać pomnik Savieckaj armii. Takoje rašeńnie pryniali jašče 30 hod tamu, ale sprava nie ruchałasia
Bałharskija ŭłady 12 śniežnia pačali demantaž manumienta ŭ centry Safii ŭ honar Savieckaj armii, piša «Dnievnik».
Aficyjnaj pryčynaj demantažu pomnika nazvali drenny stan skulptur z bronzy. Zhodna z ekśpiertnym zaklučeńniem, jany ŭjaŭlajuć saboj pahrozu biaśpiecy: nibyta z-za karazijnych raskolin mahčyma abvalvańnie manumienta.
Pomnik byŭ ustalavany ŭ 1954 hodzie ŭ honar SSSR i Savieckaj Armii. Manumient ujaŭlaje saboj piramidu vyšynioj 37 mietraŭ, na jakoj uzvyšajecca 8-mietrovaja fihurnaja skulpturnaja kampazicyja — saviecki voin, bałharski rabočy i maci ź dziciem.
Haradski saviet Safii jašče ŭ 1993 hodzie pryniaŭ rašeńnie pra znos manumienta Savieckaj armii, jakaja, na mierkavańnie mnohich bałhar, zjaŭlajecca ahresaram u ich krainie, a nie vyzvalicielem. Ale ŭ Bałharyi byli i mocnyja vystupy praciŭnikaŭ demantažu.
Inicyjatyva z novaj siłaj vybuchnuła paśla pačatku rasijskaj vajennaj ahresii va Ukrainie. Demantaž pomnika idzie pry akcyjach pratestu prarasijskich siłaŭ.
Kamientary