Na płoščy Paŭstańnia ŭ Homieli demantavali tank T-34 i pavieźli jaho na ramont. Demantaž tanka zaniaŭ kala dźviuch hadzin. Adnak nie varta raźličvać, što ŭ isnavańni miemaryjalnaha abjekta na hetym miescy pastaŭlena kropka.
Nasamreč samu płošču źbirajucca rekanstrujavać, a tank adpravili na Homielski zavod lićcia i narmalaŭ (ZŁiN) dla ramontu. Paśla praviadzieńnia rabot jaho viernuć nazad, paviedamlaje Homielski abłvykankam.
Ruch na płoščy Paŭstańnia budzie zakryty z 15 lutaha da 1 červienia. Tut praviaduć raboty pa zamienie ŭčastka ciepłavoj sietki. U vyniku rekanstrukcyi kala stadyjona źjavicca skvier z łavačkami, vuličnymi taršerami i pamiatnym znakam achviaram hienacydu.
Płošču vakoł T-34 vykładuć tratuarnaj plitkaj, u jakuju ŭmantujuć śviacilni. Kala pastamienta z tankam źjaviacca kvietniki, niekatoryja — u formie piacikancovych zorak.
Kamientary