Katalickaja aktyvistka Aksana Jučkavič dasłała pieršy list z turmy
Pieršy list ad źniavolenaj katalickaj aktyvistki i žurnalistki Aksany Jučkavič atrymała jaje siabroŭka, paviedamiła vydańnie Katolik.life. Aksana pieradaje pryvitańnie i dziakuje ŭsim, chto vykazaŭ joj padtrymku, raskazvaje, jak pravodzić čas.
Miarkujučy pa tonie lista, Aksana trymajecca ŭ dobrym duchu, piša, što maje ŭsio nieabchodnaje, čytaje Bibliju, u jaje jość mahčymaść zamović u biblijatecy mastackuju litaraturu.
Pisać joj možna na adras:
Jučkavič Aksanie Stanisłavaŭnie
222163, Minskaja vobł. h. Žodzina, vuł. Savieckaja, 22a
PU Turma №8, kam. 216
Aksanu Jučkavič aryštavali pavodle abvinavačvańnia pa kryminalnym artykule 342 za «ŭdzieł u dziejańniach, jakija hruba parušajuć hramadski paradak» u 2020 hodzie.
Jučkavič pachodzić z Parafjanava Dokšyckaha rajona. Jana žyła aktyŭnym carkoŭnym žyćciom — u kafiedralnym sabory Minska śpiavała ŭ chory «Hłoryja», była źvienavoj u arhanizacyi katalickich skaŭtaŭ, navučajučy padletkaŭ pavažliva stavicca da navakolnaha śvietu, vučyła sieminarystaŭ miždyjacezijalnaj sieminaryi.
Pracavała Aksana i ŭ katalickaj žurnalistycy — spačatku ŭ vydaviectvie «Pro Christo», potym na aficyjnym ahulnanacyjanalnym katalickim partale catholic.by.
Šmat svaich sił i enierhii viernica addavała dapamohi inšym ludziam, tym, chto mieŭ patrebu ŭ dapamozie. Pracavała ŭ Chryścijanskim sacyjalnym centry Dabračynnaj misii dobraha samaranina ŭ Minsku.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary