Telehram-kanał rasijskaha palitołaha spyniŭ pracu paśla pryznańnia «ekstremisckim farmiravańniem» u Biełarusi
Kanał Andreja Suzdalcava nie abnaŭlajecca z 9 lutaha. «Pakul nie zmožam abnaŭlać kanał. Jość prablemy» — tłumačyć apošni dopis na kanale.
Telehram-kanał «Andriej Suzdalciev» byŭ pryznany 11 studzienia MUS RB «ekstremisckim farmiravańniem».
Andrej Suzdalcaŭ. Skryn videa
Suzdalcaŭ — rasijski palitołah, palityčny kamientatar pa biełaruskaj tematycy. Jon naradziŭsia va Uładzivastoku, u pačatku 1990-ch hadoŭ pierajechaŭ u Biełaruś, dzie staŭ razhortvać prarasijskuju dziejnaść u asiarodku demakratyčnaj apazicyi.
U 2006 hodzie jon byŭ pazbaŭleny dazvołu na žycharstva i vysłany z krainy. Pavodle aficyjnaj farmuloŭki, Suzdalcaŭ staviŭ «pad pahrozu nacyjanalnuju biaśpieku Biełarusi».
Paśla departacyi Suzdalcaŭ asieŭ u Maskvie, dzie staŭ namieśnikam dekana fakulteta suśvietnaj ekanomiki Vyšejšaj škoły ekanomiki.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary