Navučency i vykładčyki kołasaŭskaha liceja sabralisia siońnia kala svajho byłoha budynka na Kirava, 21, kab praśpiavać himn navučalnaj ustanovy. 15 studzienia Biełaruski humanitarny licej imia Jakuba Kołasa adznačaje 20-hodździe.
Navučency i vykładčyki kołasaŭskaha liceja sabralisia siońnia kala svajho byłoha budynka na Kirava, 21, kab praśpiavać himn navučalnaj ustanovy. 15 studzienia Biełaruski humanitarny licej imia Jakuba Kołasa adznačaje 20-hodździe.
«My źbirajemsia kala hetaha budynka siońnia, bo mienavita 15 studzienia dvaccać hadoŭ tamu my ŭpieršyniu ŭvajšli ŭ jaho. Uvajšli nie biez prablem, nie biez zmahańnia. Nas nie chacieli siudy puskać. Ale my ŭsie razam adstajali svajo prava», — skazaŭ dyrektar liceja Uładzimir Kołas.
Lavon Barščeŭski pryhadaŭ, što ŭ toj samy čas, kali baćki na čale sa sp. Kołasam zaniali hety budynak, jon razam z Anatolem Trusavym znachodziŭsia ŭ kabiniecie Viačasłava Kiebiča. «My sa sp. Trusavym zajšli ŭ kabiniet da premjer-ministra Kiebiča i skazali, što treba padpisvać papieru ab pieradačy budynka. Tady akurat pačalisia telefanavańni, što budynak užo zaniali. I Kiebič padpisaŭ».
«Šlach liceja — šlach baraćby za śvietłyja ideały. Na hetym šlachu było roznaje, ale byli i słaŭnyja pieramohi. Pieramoha była ŭ tym, što kali nas pazbavli hetaha budynka, naš licej nie źnik, jon praciahvaje isnavać, praciahvaje vykonvać tuju vysokuju zadaču, jakuju my pastavili. Vučyć našych maładych biełarusaŭ na biełaruskaj movie i na ŭzroŭni suśvietnych standartaŭ», — padsumavaŭ Uładzimir Kołas.
Paśla ŭsie razam praśpiavali himn liceja.
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
Kamientary