Polšča źbirajecca pastavić na miažy ź Biełaruśsiu 70-mietrovyja vyški
U polskim Siejmie abmierkavali nieabchodnaść madernizacyi infrastruktury na miažy ź Biełaruśsiu. Siarod mahčymych zachadaŭ — uzmacnieńnie aharodžy i ŭźviadzieńnie vysokich naziralnych vyšak, piša Gazeta Prawna.
U polskim Siejmie prajšło śpiecyjalnaje pasiadžeńnie z udziełam pradstaŭnikoŭ Ministerstva ŭnutranych spraŭ, Ministerstva nacyjanalnaj abarony krainy i inšych viedamstvaŭ, na jakim abmiarkoŭvałasia padrychtoŭka ŭschodniaj miažy dla abarony ad sučasnych vyklikaŭ.
Dla rašeńnia prablem ź niezakonnym pierasiačeńniem miažy, padčas jakoha mihranty vyhinajuć zaharadžalnyja stryžni abo vykarystoŭvajuć vodnyja pierachody, było prapanavana pravieści šerah mierapryjemstvaŭ, takich jak madernizacyja pamiežnaha barjeru šlacham uzmacnieńnia aharodžy praz dadavańnie papiaročnych belek, ustalavańnie dadatkovych kamier i aśviatleńnia, a taksama ŭźviadzieńnie naziralnych vyšak. Taksama prapanoŭvałasia pravieści zakupku bieśpiłotnikaŭ dla viertykalnaha ŭźlotu.
U płanach pamiežnaj słužby taksama budaŭnictva naziralnych vyšak. Ź ich dapamohaj možna budzie vieści nazirańnie amal na 10-kiłamietrovaj adlehłaści jak u Polščy, tak i ŭ Biełarusi, što dazvolić zabiaśpiečyć kantrol za stratehičnym učastkam miažy. Vyšynia hetych viežaŭ budzie kala 70 mietraŭ, jany buduć zabiaśpiečanyja pieradavym optyka-elektronnym abstalavańniem.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary