«Biełpoł» raskazaŭ, jak uzłamaŭ ekrany pa ŭsioj Biełarusi i jak budzie «złavać dzieda» dalej
Pra heta ŭ novym vypusku jutub-kanała «Žyćcio-malina» raskazaŭ były śledčy Andrej Astapovič.
Astapovič raskazaŭ, što akcyja sa źjaŭleńniem zvarotu Śviatłany Cichanoŭskaj na rekłamnych ekranach pa ŭsioj Biełarusi rychtavałasia kala dvuch miesiacaŭ.
Jon ličyć, što apieracyja była nieabchodna dla taho, kab «sarvać łukašystam karcinku, što na hetych vybarach jany kantralujuć usio i nie isnuje nijakaha supracivu».
Mužčyna adznačaje, što ludźmi ŭ Biełarusi pad čas praviadzieńnia akcyi nichto nie ryzykavaŭ. Tyja čatyry čałavieki, jakija byli zatrymanyja, nie majuć da akcyi nijakaha dačynieńnia. «Ich nie pasadzili i naŭrad ci pasadziać. Pryniali na 15 sutak. Čamu? Tamu što pajšli pa łžyvym śledzie, nie viedali, što rabić».
Jakim čynam usio było arhanizavana, pa słovach Astapoviča, nichto nie budzie raskazvać. Jon adznačyŭ, što ŭciečku, praź jakuju adbyŭsia pakaz zvarotu, tak i nie znajšli, nie vyznačyli, «čamu rolik išoŭ dźvie z pałovaj hadziny, a nie 15 chvilin». Dla spynieńnia daviałosia vyklučać z razietak ekrany i «vyrubić rubilnik, pakłaŭšy ŭsiu sistemu na niekalki tysiač kamier».
Pa słovach Astapoviča, akcyja z televizarami pakazała, što siła demakratyčnaj supolnaści ŭ tym, što «my nie takija adstałyja, jak jany, my ŭmiejem myślić, i technałohii na našym baku. Heta ich słaboje miesca — usio IT, usio, što źviazana ź miedyja, usio, što źviazana sa śfieraj novych technałohij. U ich miedyja — heta televizar, u nas — jutub, internet i ŭsio astatniaje».
Adkazvajučy na pytańnie ab budučych akcyjach, Astapovič zaŭvažyŭ, što «lepš pakazać, čym raskazać», zapeŭniŭšy, što płany jość. Vialikaja častka raboty źviazana z reahavańniem na vostryja momanty kštałtu losu Andreja Hniota.
Astapovič anansavaŭ vychad dvuch filmaŭ-rasśledavańniaŭ. Adzin ź ich, pa jaho słovach, «budzie prosta bomba. Tam budzie vielmi surjozna».
Čytajcie jašče:
Na rekłamnych ekranach pa ŭsioj Biełarusi pakazali zvarot Śviatłany Cichanoŭskaj
Były śledčy raskazaŭ, jak raskryvajuć ID u telehramie, i daŭ prahnoz, što budzie ź siłavikami
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ12
Kamientary