Sud Zavodskaha rajona Mienska vynies prysud mužčynu, jaki zamianiŭ fota ŭ pašparcie piensijaniera i padmanvaŭ supracoŭnikaŭ «Biełpošty». U vyniku jon bolš za hod atrymlivaŭ piensiju pamierłaha čałavieka.
Pa materyjałach spravy, hramadzianin paŭtara hoda atrymlivaŭ piensiju pamierłaha čałavieka. Abvinavačany vykarystaŭ pašpart piensijaniera, u jakim zamianiŭ fatahrafiju.
«Heta dazvoliła jamu nieadnarazova zavałodać hrašyma ŭ bujnym pamiery, jakija byli naličanyja pamierłamu ŭ jakaści piensii pa ŭzroście», — paviedamlaje prakuratura Minska.
Z 8 studzienia 2021 hoda pa 8 červienia 2022-ha adkazčyk atrymaŭ bolš za Br11,6 tys. U hetuju sumu i byli acenienyja straty, jakija jon pryčyniŭ dziaržavie.
Mužčyna svaju vinu pryznaŭ u poŭnym abjomie, raskazaŭšy, što hrašyma rasparadziŭsia pa ŭłasnym mierkavańni.
Kamientary