...i sučasnaj Biełarusi. U fiłarmonii 21 studzienia ŭ charavym vykanańni prahučać duchoŭnyja pieśniaśpievy, pryśviečanyja Rastvu i Kaladam.
Biełaruskija i polskija kanty i kantyčki — sučasnyja i staražytnyja — buduć hučać na scenie fiłarmonii ŭ kancercie «Zorka-Pradvieśnica».
Kanty — šmathałosnyja duchoŭnyja śpievy, što pryjšli da nas ź vizantyjskaj kultury, dy jakija pieršapačatkova stvaralisia pavodle relihijnych tekstaŭ. Ź ciaham času na našaj ziamli ich pierapiajali na svoj manier, prapuściŭšy praz ułasnyja zaviadzionki, u tym liku i pahanskija.
«Kožnaja tvorčaja asoba, tvorčy narod, nikoli nie budzie naŭprost cytavać z čužoj kultury, a zaŭsiody apracuje, dadaść svajo: padobnaje adbyłosia i z kantami, — kaža kampazitarka Łarysa Simakovič. — Biełarusy nie prosta pierapiavali vizantyjskuju duchoŭnuju muzyku, ale dadavali svaju miełodyku, pierarablali na svoj słych, prapuskali, pierajnačvajučy, teksty kantaŭ praź siabie, svoj byt, ład žyćcia, i tamu ŭ vyniku kanty nie prosta asimilavalisia našaj kulturaj — ź ich atrymaŭsia novy, niepradkazalny, admietny muzyčny žanr».
Akramia kantaŭ na kancercie prahučyć kaladnaja muzyka VKŁ i Rečy Paspalitaj, muzyka, jakuju možna było pačuć u niaśvižskich pałacach pry Maciei Radziviłu ŭ ChV st., a taksama śpievy na temu Rastva i Kaladaŭ, jakija skłalisia ŭ XXI stahodździ sučasnymi kampazitarami. U kancercie — tvory Jana Hołanda, Vacłava z Šamotuł, Michała Kleafasa Ahinskaha, Jaŭhiena Papłaŭskaha i Łarysy Simakovič. Vykonvaje śpievy Dziaržaŭny kamierny chor Respubliki Biełaruś (mastacki kiraŭnik — Natalla Michajłava) i Kamierny arkiestr Biełaruskaj dziaržaŭnaj akademii muzyki «Gradus ad Parnassum» (dyryžor — Piotr Vandziłoŭski).
Takim čynam, apošnija kaladnyja chvałaśpievy syduć na našu ziamlu
21 studzienia 2010 h. u Małoj zali imia R. Šyrmy Biełaruskaj dziaržaŭnaj fiłarmonii (Niezaležnaści, 50). Pačatak a 19-j.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary