Eks-futbalist zbornaj Biełarusi raskazaŭ, jak atrymaŭ u Rasii $30 tysiač pryzavych za adzin matč
Alaksandr Kulčy — rekardsmien zbornaj Biełarusi pa kolkaści praviedzienych matčaŭ. Jaho dasiahnieńnie vyhladaje viečnym — jon vychodziŭ na pole ŭ składzie zbornaj 102 razy. Apošni raz — u 39 hadoŭ. «Trybuna» pierakazvaje historyju jaho samaha vialikaha niečakanaha zarobku.
Bolšuju častku karjery Alaksandr Kulčy adhulaŭ u Rasii, dzie pravioŭ 291 matč na najvyšejšym uzroŭni. Nie sakret, što ŭ rasijskim futbole kruciacca šalonyja hrošy.
U siezonie-2011 hoda Kulčy, jakomu na toj momant było 36, dosyć niečakana pierajšoŭ u «Krasnadar». Mienavita tam jon i atrymaŭ samyja vialikija premijalnyja ŭ karjery — ad pradprymalnika i miljardera Siarhieja Halickaha.
— Hulali z «Kubańniu». Poŭny stadyjon, śpioka. U druhim tajmie naš abaronca pryvozić pienalci i atrymlivaje čyrvonuju kartku. [Supiernik] Traare traplaje ŭ štanhu — i ledź nie ŭ nastupnaj atacy my zabivajem. Niejak utrymali ŭ mienšaści hetuju pieramohu. Paśla matču Siarhiej Mikałajevič [Halicki] zachodzić u raspranalniu: «Dźviery začynicie. Pa 30 [tysiač dołaraŭ] kožnamu!».
Asablivaść matča była ŭ tym, što hulali abiedźvie kamandy z Krasnadara — i «Kubań», i «Krasnadar». Dla Halickaha, zasnavalnika sietki kramaŭ «Mahnit», było važna pieramahčy pryncypovaha supiernika.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary