Lehiendarnaje miesca dla tych, čyja maładość vypała na «nulavyja», minski kłub «Reaktar» znoŭ adkryjecca letam pad kiraŭnictvam novych uładalnikaŭ. Jak paviedamiła novaja ŭładalnica kultavaha pamiaškańnia na Viery Charužaj, 29, ramont i ŭsie patrebnyja padrychtoŭčyja pracy ŭžo iduć poŭnym chodam. Chto zajmajecca prajektam, što zastaniecca ad staroha «Reaktara» i kali čakać adkryćcia, piša Onlíner.
Novuju ŭładalnicu pamiaškańnia, jakaja vyrašyła ŭvaskresić lehiendu, zvać Śviatłana Ramonka. U niadaŭnim minułym jana arhanizatar rok-kancertaŭ u minskich kłubach. Pracavała z hurtami «Piłot» i «Kukryniksy», arhanizoŭvała premiju «U kiedach», jakaja prachodziła ŭ pačatku 2010-ch u nie mienš značnym kłubie «Centr». Taksama, kali zahuhlić jaje imia, to možna znajści mnostva infarmacyi pra pracu «viadučaj mierapryjemstvaŭ i viasiellaŭ».
— My z partnioram vypadkova daviedalisia, što kłub Rich Cat, jaki doŭha znachodziŭsia na miescy byłoha «Reaktara», začyniŭsia i pamiaškańnie znoŭ zdajecca ŭ arendu. Było vyrašana adnavić lehiendu. U svoj čas «Reaktar» byŭ samym kultavym kłubam u horadzie, i my pamiatajem pra heta. Ja patelefanavała stvaralniku aryhinalnaha «Reaktara», i jon aficyjna ŭchvaliŭ ideju i dazvoliŭ karystacca nazvaj. Jon byŭ vielmi rady, što jaho stvareńnie atrymaje novaje žyćcio.
My chočam zachavać roznabakovuju pracu kłuba, abjadnać pad adnym dacham usie subkultury — ad roku da rejvu i repu. Płanujem dapamahać łakalnym biełaruskim muzykam, dajučy im mahčymaść vystupić na bujnoj placoŭcy. Aproč žyvych kancertaŭ, na placoŭcy taksama buduć prachodzić viečaryny z dydžejami. Užo zaraz nam pastupajuć prapanovy ad arhanizataraŭ.
Ciapier na placoŭcy idzie ramont. U płanach ustalavać mahutny huk i stvaryć novy sučasny dyzajn pamiaškańniaŭ, zachavaŭšy pry hetym duch staroha «Reaktara». Pieršy pavierch budzie vykanany ŭ styli stympank, a druhi budzie adaptavany pad Valhału i styl vikinhaŭ. «Ryčketaŭskich» vializnych katoŭ my addamo nazad — akazałasia, što jany znachodziacca na bałansie HHU.
Kamanda ludziej, jakaja budzie zajmacca kłubam, užo nabrana. Art-dyrektaram, da prykładu, stanie davoli viadomy spadar Bołt, jaki raniej byŭ art-dyrektaram Beer&Wine. Užo ŭ siaredzinie lipienia adkryjecca letniaja kaviarnia i bankietnaja zała, dzie možna budzie adpačyć i paabiedać.
— Sam abnoŭleny «Reaktar» płanujem adkryć u kancy lipienia vialikaj dvuchdzionnaj viečarynkaj. U pieršy dzień budzie rok-kancert, a druhi dzień my addamo pad elektronnuju muzyku ci chip-chop, kab publika mieła ŭjaŭleńnie pra roznabakovy farmat pracy kłuba. Pa vychodnych u novym «Reaktary» my budziem ładzić viečarynki da samaj ranicy — usio jak u staryja dobryja, — raspaviała Śviatłana.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary