Hruzija maje namier da 2030 hoda viarnuć Abchaziju i Paŭdniovuju Asieciju i stać členam ES
Kiraŭnik urada Hruzii Iraklij Kabachidze pavinšavaŭ suajčyńnikaŭ z Dniom niezaležnaści, jaki kraina śviatkuje 26 traŭnia i zajaviŭ, što kraina maje namier na praciahu šaści hadoŭ viarnuć akupavanyja Rasijaj terytoryi.
«Naša hruzinskaja mara — žyć u adzinaj i mocnaj Hruzii da 2030 hoda razam z našymi abchazskimi i asiecinskimi bratami i siostrami. Adzinaja i mocnaja Hruzija pavinna stać paŭnapraŭnym členam jeŭrapiejskaj siamji ŭ 2030 hodzie!» — zajaviŭ Kabachidze ŭ vinšavańni.
Premjer źjaŭlajecca lidaram kirujučaj partyi «Hruzinskaja mara». Deputaty ad hetaj partyi raniej pryniali zakon ab zamiežnych ahientach, paśla čaho ŭ Jeŭrasajuzie zajavili ab mahčymaj admienie biaźvizavaha režymu i pazbaŭleńni Hruzii statusu kandydata ŭ členy ES.
Hruzija śviatkuje Dzień niezaležnaści 26 traŭnia ŭ pamiać ab utvareńni Hruzinskaj demakratyčnaj respubliki ŭ 1918 hodzie.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary
Heta ŭvohule asobnyja nacyi, ja nahadaju.