Pra novaje pracaŭładkavańnie polskaha sudździ, suprać jakoha ŭ Polščy zaviedziena kryminalnaja sprava, paviedamiła vydańnie Do Rzeczy.
Ciapier Tomaš Šmit budzie rabić intervju z zaprošanymi haściami dla BiełTA. Z hetaj pryčyny Šmit pačaŭ prezientavać siabie jak žurnalist i publicyst.
«Vielmi dobraja praca. Ja nie budu vykładvać kantrakt», — napisaŭ Tomaš Šmit u sacsietkach.
Z dekłaracyi 2022 hoda Šmita vynikaje, što jaho zarobak u Polščy byŭ bolš za 22,5 tysiačy złotych štomiesiac (kala 5,5 tysiačy dalaraŭ).
Sudździa Varšavy Tomaš Šmit źbieh u Biełaruś 6 maja 2024 hoda i paprasiŭ palityčnaha prytułku.
Kiraŭnik MZS Polščy Radasłaŭ Sikorski nazvaŭ Šmita «zdradnikam».
U Polščy zaviali suprać Tomaša Šmita kryminalnuju spravu za špijanaž. Na dumku prakuratury, jon «prymaŭ udzieł u hibrydnaj vajnie, jakuju Biełaruś i RF viali suprać Polščy».
U Polščy ličać Šmita daŭno zavierbavanym i zakanśpiravanym ahientam.
U Biełarusi Šmit staŭ achvotna ŭdzielničać u prapahandzie i nachvalvać Łukašenku.
«Dastatkova pahladzieć na siońniašniuju situacyju: jak jon pavodzić siabie, jak pravodzić palityku. Heta nie kamplimient, heta fakt. Akramia taho, možna pazajzdrościć jaho fizičnaj formie. Dastatkova pahladzieć na toje, jak jon kole drovy, jak u Manholii stralaje z łuka», — znajšoŭ bolevaje miesca staroha čałavieka Šmit.
Ałkahol, mikrakredyty, Stambuł. Polskija śpiecsłužby nakapali novaje pra ŭciekłaha sudździu Šmita
Zatknie za pojas Kačanavu — jak polski pierabiežčyk Šmit chvalić Łukašenku
Źbiehły polski sudździa Šmit vypadkova vykłaŭ u telehram svaje kantakty. HUBAZiK i Artur Hajko taksama jość
Źbiehłaha polskaha sudździu, imavierna, pasialili ŭ Drazdach
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ14
Kamientary