Ryžankoŭ: Bačyŭ, niechta tam pisaŭ pra niejkija pravy čałavieka. U AAN da Biełarusi pretenzij niama
Niadaŭna pryznačany Łukašenkam ministr zamiežnych spraŭ Biełarusi Maksim Ryžankoŭ vyrašyŭ padyskutavać z pres-słužbaj AAN.
Maksim Ryžankoŭ vykłaŭ svaju viersiju źmiestu razmovy Alaksandra Łukašenki z hienieralnym sakratarom AAN Antoniu Huteryšam.
Pres-słužba arhanizacyi zajaviła, što Huteryš źviarnuŭ uvahu Łukašenki na nieabchodnaść jak najchutčejšaha zaviaršeńnia vajny va Ukrainie i vykazaŭ zaniepakojenaść situacyjaj z pravami čałavieka ŭ Biełarusi.
Adnak u kiraŭnika biełaruskaha MZS inšaja viersija.
«Z hienieralnym sakratarom AAN było abmierkavana šyrokaje koła pytańniaŭ. Ja navat bačyŭ, što chtości tam napisaŭ, što nibyta nas u čymści chtości paprakaŭ i pra niejkija pravy čałavieka. Na samaj spravie, praktyčna ŭsia sustreča była pryśviečanaja dziejnaści AAN u Respublicy Biełaruś, pačatku novaha cykła ŭzajemadziejańnia. Było skazana, što ŭ nas pretenzij da Biełarusi niama nijakich, vy idziacie pravilnym šlacham», — zajaviŭ Ryžankoŭ.
Pavodle jaho słoŭ, nijakaha śpiecyjalnaha kiejsa pa Biełarusi ŭ AAN niama, «jaki b siońnia davaŭ prava Huteryšu vykazvać niejkija nam pretenzii», paviedamlaje STB.
Pres-słužba Łukašenki raniej taksama paviedamiła, što na sustrečy, maŭlaŭ, abmiarkoŭvałasia tolki supracoŭnictva z AAN i prahrama ŭstojlivaha raźvićcia.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie4
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5252
Kamientary