U razhar siezonu ŭ Turcyi pryniali zakon, jaki pastrožyć staŭleńnie da turystaŭ
U razhar turystyčnaha siezona ŭ Turcyi byŭ pryniaty zakonaprajekt ab uniasieńni papravak u zakon ab hramadzianskaj avijacyi, paviedamlaje ahienctva Anadolu.
Novyja miery biaśpieki praduhledžvajuć abaviazkovy dohlad usich pasažyraŭ i ich rečaŭ pry dapamozie techničnych pryład, a pry nieabchodnaści — uručnuju. Kali pravierka z vykarystańniem techničnych srodkaŭ akažacca niedastatkovaj, pasažyr nie budzie dapuščany ŭ aeraport i na samalot, kali nie pahodzicca na ručny dahlad.
Avijacyjnaja biaśpieka ciapier budzie zabiaśpiečvacca pryvatnymi achoŭnikami pad nahladam orhanaŭ pravaparadku. Pryvatnyja achoŭniki zmohuć praviarać i dahladać ludziej, rečy, bahaž, hruzy i tavary jak pry dapamozie techničnych srodkaŭ, tak i ŭručnuju pry ŭvachodzie na avijacyjnyja abjekty.
Akramia taho, pry padazreńni ab parušeńni avijacyjnaj biaśpieki bahaž, hruz i inšyja tavary mohuć być dahledžanyja supracoŭnikami pazaviedamasnaj achovy biez udziełu pasažyra abo ŭładalnika. Pradmiety, jakija možna adkryć i jakija zabaroniena pranosić, mohuć być aryštavanyja.
Hetyja miery nakiravanyja na ŭzmacnieńnie biaśpieki ŭ tureckich aeraportach u adkaz na biahučyja vykliki i pahrozy.
Turcyja nie pieršy hod zastajecca adnym z samych zapatrabavanych napramkaŭ adpačynku ŭ biełarusaŭ. Pavodle danych Nacyjanalnaha statystyčnaha kamiteta, hetaja kraina zajmaje druhoje miesca ŭ rejtynhu pieravah našych hramadzian. U 2021 hodzie, naprykład, tudy źjeździli amal 148 tysiač biełarusaŭ. Bolš pajechała turystaŭ tolki ŭ Jehipiet — kala 218 tysiač.
U Turcyi aŭtobus z čatyrma biełaruskimi turystami prataraniŭ bietonny słup VIDEA
«Tym, chto pryjechaŭ paśla lutaha 2022-ha, VNŽ nie padaŭžajuć». Biełaruskaha ajcišnika vysielili z Turcyi — što zaraz?
«Dva tydni na Maldyvach daražejšyja, čym paŭtara miesiaca ŭ Aŭstralii». Biełaruski raskazali pra svaje ekzatyčnyja padarožžy i vydatki na ich
«Za vosiem dzion addali 1220 dalaraŭ na dvaich». Jak biełaruski pa haračaj pucioŭcy adpačyli ŭ Emiratach
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary