U Banhładeš budzie sfarmiravany Časovy ŭrad. Pra heta abviaściŭ hałoŭnakamandujučy armii hienierał Vakar-Uz-Zaman.
Dym na korpusam Miedycynskaha ŭniviersiteta ŭ stalicy krainy. Fota:
Pavodle jaho słoŭ, usie vinavatyja ŭ zabojstvach i pahromach buduć pakaranyja. «Viercie ŭ armiju. My praviali sustrečy ź lidarami palityčnych partyj», — zajaviŭ jon.
Na fonie pratestaŭ u krainie z Banhładeš źjechała premjer-ministr krainy Šejch Chasina. Jana padała ŭ adstaŭku i palacieła na viertalocie ŭ Indyju. Pratestoŭcy ranicaj 5 žniŭnia ŭvarvalisia na terytoryju rezidencyi premjera, piša RBK.
Mitynhi ŭ krainie pačalisia ŭ kancy červienia, ich udzielniki (u pieršuju čarhu studenty) patrabavali pakłaści kaniec sistemie kvot, jakaja reziervuje da 30% dziaržaŭnych pasad dla členaŭ siemjaŭ vieteranaŭ, jakija zmahalisia ŭ vajnie za niezaležnaść Banhładeš u 1971 hodzie.
Praciŭniki sistemy nazvali jaje dyskryminacyjnaj i jakaja prynosić karyść prychilnikam Chasiny, čyja partyja «Avami lih» uznačaliła ruch za niezaležnaść.
U vyniku na akcyjach paŭstali łozunhi z zaklikam da adstaŭki Chasiny. Na fonie rostu napružanaści ŭ krainie ŭviali kamiendanckuju hadzinu i adklučyli mabilny Internet, što pryviało da $10 młrd škody ekanomicy krainy.
Pavodle źviestak NDTV, padčas pratestaŭ zahinuli zvyš 300 čałaviek, siarod ich i demanstranty, i palicyjanty.
76-hadovaja Chasina była va ŭładzie z 2009 hoda, u studzieni hetaha hoda jaje pieraabrali na čaćviorty termin, apazicyja bajkatavała vybary.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary