Niekalki pasažyraŭ nie trapili na śmiarotny rejs u Brazilii, bo pamylilisia vychadam
Zrazumieŭšy, što jany pamylilisia vychadam na pasadku, pasažyry prasili rabotnikaŭ aeraporta prapuścić ich na bort samalota, ale im adkazali, što nie mohuć hetaha zrabić.
Niekalki pasažyraŭ nie patrapili na rejs u Brazilii, dzie, pavodle novych źviestak zahinuŭ 61 čałaviek, z-za taho, što pamylilisia vychadam na pasadku, piša CNN
Mužčyna, jaki nie paśpieŭ na rejs, raspavioŭ brazilskamu vydańniu Globo, što prynamsi 10 čałaviek čakali kala taho hiejtu i nie paśpieli na samalot da taho, jak jon uźlacieŭ.
Zrazumieŭšy, što jany pamylilisia vychadam na pasadku, pasažyry prasili rabotnikaŭ aeraporta prapuścić ich na bort samalota, ale im adkazali, što nie mohuć hetaha zrabić.
«Jany skazali mnie: «Mister, vy nie siadziecie na hety samalot, bo my ŭžo pieravysili limit pasadki». Ja navat trochi nacisnuŭ na ich. «Mister, pasadzicie mianie na hety samalot, mnie treba lacieć», a jon adkazaŭ: «Nijak, ja mahu tolki pierabraniravać vaš bilet».
U mianie dryžać nohi, tolki Boh viedaje, jak ja siabie adčuvaju. Dziakuj Bohu, što my nie patrapili na hety samalot».
Usie 57 pasažyraŭ, jakija znachodzilisia na borcie samalota, jaki raźbiŭsia ŭ piatnicu ŭ horadzie Vińjeda za 100 km ad San-Paŭłu, mieli brazilskija dakumienty, paviedamili pradstaŭniki avijakampanii Voepass.
Prezident Brazilii Łuis Inasiu Łuła da Siłva abviaściŭ trochdzionnuju žałobu ŭ suviazi z avijakatastrofaj u piatnicu.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
"patrapić" = "zdoleć", "dahadzić"