Raspaviadajem, jak nakručvajuć hałasy ŭ anłajn-apytankach i kolki heta kaštuje
U hałasavańni ŭ telehram-kanale «Našaj Nivy» adbyłasia nakrutka. U apytańnie nakont taho, chto moh by być lidaram demakratyčnych siłaŭ Biełarusi ŭkinuli hałasy i reakcyi, mocna skaziŭšy vynik. A kolki heta kaštuje? I čaho ŭvohule vartyja anłajn-apytanki? Tłumačym.
Pa našych acenkach, u apytancy, datyčnaj novaha mahčymaha lidara demakratyčnych siłaŭ Biełarusi, byli štučna nakručanyja 3000 hałasoŭ. 2000 ź ich dadalisia za kandydaturu Paŭła Łatuški, 1000 — za Andreja Jahorava.
Aproč taho, pad apytankaj źjaviłasia amal na 2000 dadatkovych reakcyj bolš, čym było b u zvyčajnaj situacyi.
Dla ekśpierymientu my pašukali servisy, jakija prapanoŭvali nakrucić hałasy.
Košt nakrutki, kali treba «zakinuć» 1000 hałasoŭ u telehram-hałasavańnie — usiaho ad dvuch dalaraŭ. U inšych sacsietkach ceny inšyja, samy tanny tvitar — mienš za dalar za 1000 hałasoŭ. Reakcyi ŭ telehramie jašče tańniejšyja — 40 centaŭ za 1000 štuk. Takim čynam, kaštuje heta zusim kapiejki.
Płacić možna kartkaj luboha banka, u bolšaści papularnych rasijskich servisaŭ apłata zamiežnaj kartkaj idzie praz šluzy ŭ krainach, jakija miažujuć z Rasijaj, ale nie znachodziacca pad sankcyjami. Možna płacić i kryptavalutaj, i biełaruskimi kartkami.
Takim čynam, vartaść anłajn-apytańniaŭ u telehramie dy inšych sacyjalnych miedyja nievialikaja. Luby achvotny ŭ luboj krainie śvietu moža sapsavać ich vyniki, kali maje paru dalaraŭ i žadańnie. A za 20 dalaraŭ možna ŭvohule štučna skanstrujavać vyniki apytańnia navat u bujnoj supołcy.
A za bolšyja sumy možna ŭvohule rabić što chočaš — naprykład, za 300 dalaraŭ možna było b nakrucić nie mienš za 175 tysiačaŭ hałasoŭ u telehramie abo 450 tysiačaŭ hałasoŭ u tvitary. Tamu daviarajcie tolki nadziejnym krynicam i budźcie pilnyja.
«Naša Niva» — bastyjon biełaruščyny
PADTRYMAĆCiapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Prosta apytanka ŭ skpołcy amataraŭ kŭidyšu pra lepšaha spartoŭca ŭsich časoŭ z varyjantami vyklučna kŭdyš-hulcoŭ.
A redakcyja skardzicca, što ŭ apytanku nalecieła amataraŭ hobi-horsynhu i nakruciła hałasoŭ nie kŭdyšavamu Mesi, ale kŭidyšavamu Ranaldzie.