U Rasii vajskovyja vučyliščy nie mohuć nabrać kursy. Niama achvotnych
«Treba abviaščać frantavyja nabory. Treba jeździć pa Sibiry i Kaŭkazie», — zaklikaje vajenkar Alaksandr Sładkoŭ.
Situacyju z naboram u vajskovyja vučyliščy prakamientavaŭ u svaim telehram-kanale rasijski vajenkar Alaksandr Sładkoŭ. Pavodle jaho słoŭ, u adnoj z «prasłaŭlenych vajskovych vučelniaŭ», dzie raniej konkurs składaŭ 20 čałaviek na miesca, sioleta na adno miesca pretendavała ŭsiaho 0,8 čałavieka.
«Na fakultet padrychtoŭki praparščykaŭ nabrali 30 kursantaŭ z patrebnych 100. Heta ž krach! Prafiesija vajskoŭca, niahledziačy na sacyjalnyja lhoty, hrašovaje zabieśpiačeńnie i vajskovuju ipateku, chutka straciła svaju pryvabnaść», — adznačaje Sładkoŭ.
Bolš za toje, tyja, chto pastupiŭ, «masava padajuć raparty z prośbaj ab adličeńni i viartańni dadomu». Vajenkar padkreślivaje, što takich kursantaŭ vyklikajuć na narady, dzie «ślozna prosiać zastacca».
«Jakich kamandziraŭ my chočam vyhadavać z hetych ludziej? Pra jakija budučyja pieramohi moža iści havorka? Z kim my budziem vajavać?»
— zadajecca pytańniami Sładkoŭ. I dadaje:
«Nam bolš nie patrebnyja tupyja, ale addanyja. My ŭžo treci hod vajujem z takimi. Nam patrebnyja śviadoma addanyja Radzimie intelektuały i razumniki».
Jak vychad ź situacyi, Sładkoŭ prapanuje:
«Treba abviaščać frantavyja nabory ŭ vajskovyja vučelni. Treba jeździć pa Sibiry i Kaŭkazie, samim nabirać pacanoŭ u aficery».
Vajenkar vykazvaje abureńnie nakont słaboha patryjatyčnaha vychavańnia:
«Dzie Junarmija? Kudy źnikajuć vypuskniki hetaj prasłaŭlenaj, apietaj raniejšym kiraŭnictvam Minabarony arhanizacyi? Heta ž pavinien być naš juny rezierv kadraŭ!»
Sładkoŭ taksama prapanuje pryznačać načalnikami vučyliščaŭ «spraktykavanych, sapraŭdy bajavych kamandziraŭ, jakija prajšli praz vojny i prapachli poracham».
Pavodle jaho słoŭ, heta treba rabić, «kab kiraŭnictvu Minabarony RF nie było soramna hladzieć astatnim u vočy za hetych načalnikaŭ vučyliščaŭ».
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam5
Kamientary
Čto słučiłoś?
Jedinorossy biespłodny?