«Chočuć prymusić ludziej pracavać za kapiejki». Dalnabojščyki — pra namiery pazbavić ich biaspłatnych miedycynskich pasłuh
Ułady praciahvajuć zmahacca z tak zvanymi «darmajedami», da jakich u tym liku prypisvajuć biełarusaŭ, jakija pracujuć za miažoj. Z apošniaha — abmiarkoŭvajecca, ci nie pazbavić ich mahčymaści biaspłatna atrymlivać miedycynskija pasłuhi aproč ekstrannaj dapamohi. Dalnabojščykami za miažoj aburałasia i Natalla Kačanava. Spytali ŭ dalnabojščykaŭ, jakija pracujuć u ES, što jany dumajuć na hety kont.
«Jašče nie sustrakaŭ tych, chto padtrymlivaje takuju prapanovu»
Adzin z kiroŭcaŭ-dalnabojščykaŭ, jaki pracuje ŭ polskaj firmie, nie sumniajecca: raz hetyja płany pačali abmiarkoŭvać, to abaviazkova prymuć.
«My takoje ŭžo prachodzili z kamunałkaj, kali takim, jak my, pavysili taryfy, bo my nibyta nie finansujem biudžet. Ale ž heta hłupstvy! Amal usio, što ja zarablaju, ja traču mienavita ŭ Biełarusi. My pryvozim valutu ŭ krainu, ničoha ad dziaržavy nie prosim», — kaža surazmoŭca.
Padobnyja zachady z boku dziaržavy mužčynu nie ździŭlajuć, ale kryŭdziać.
«Vyhladaje, byccam u dalnabojščykach, jakija pracujuć u Jeŭropie, ułady razhladzieli niejkuju dojnuju karovu. Pavyšanuju kamunałku ŭviali, ciapier za vizit da lekara chočuć brać hrošy.
Zdajecca, heta drobiazi, ale vielmi niepryjemnyja. Navat kali da taho lekara hadami nie chadziŭ — usio adno niejki asadačak zastajecca, što dziaržava viečna choča ź ciabie niešta zajmieć», — skardzicca mužčyna.
Ź jaho słoŭ, na parkoŭkach biełaruskija kiroŭcy tolki i abmiarkoŭvajuć hetuju navinu i tych, chto padtrymlivaje takuju inicyjatyvu, jon jašče nie sustrakaŭ.
«Ułady nie razumiejuć, čamu ludzi masava ŭ Jeŭropu na furu iduć»
Inšy kiroŭca, jaki pracuje ŭ litoŭskaj firmie, ličyć, što takim čynam ułady ŭ pieršuju čarhu namahajucca schilić biełarusaŭ da taho, kab jany pracavali ŭnutry Biełarusi.
«U krainie niedachop kiroŭcaŭ, jeździć asabliva niama kamu, bo mnohija, nabraŭšysia minimalnaha dośviedu, jeduć pracavać u Jeŭropu, bo tam zarobki našmat bolšyja. U Biełarusi nichto 1,5-2 tysiačy jeŭra vadzicielu i blizka nie zapłacić, tamu ŭłady i chočuć prymusić ludziej pracavać za kapiejki», — miarkuje mužčyna.
Pry hetym mužčyna sumniajecca, što takimi zachadami možna niekaha ŭtrymać.
«Ułady, vidać, nie razumiejuć, čamu ludzi masava ŭ Jeŭropu na furu iduć. Heta ž usio nie ad dobraha žyćcia. Kali b zarpłaty ŭ Biełarusi byli chacia b na pracentaŭ 80 takija, jak tam, to nichto nie jechaŭ by ŭ tuju Jeŭropu.
Naturalna, što lepiej pracavać doma, a nie miesiacami žyć u fury i sutkami stajać u čarzie na miažy, kab dabracca na pracu i z pracy. Ale kali tam ty možaš zarabić za miesiac 2000 jeŭra, a tut 2000 rubloŭ, to vybar vidavočny», — kaža dalnabojščyk.
Surazmoŭca nie vyklučaje, što takim čynam ułady mohuć atrymać tolki advarotny efiekt.
«Niekatoryja dalnabojščyki, asabliva kali im jašče niama saraka, pierasialajucca ŭ Polšču abo Litvu. Pieravoziać siemji i naładžvajuć žyćcio ŭžo ŭ hetych krainach. Mahčyma, padobnyja zachady z boku Biełarusi padšturchnuć i inšych da pierajezdu».
«U mianie zarpłata 65 jeŭra ŭ sutki, dzie ja takija hrošy budu atrymlivać u Biełarusi?»
Kiroŭca busa z katehoryi «S», jaki pracuje ŭ Polščy, kaža, što vielmi rasčaravany tym, što ŭ Biełarusi chočuć zrabić płatnaj miedycynu dla «darmajedaŭ».
«Mnie ŭžo pad 60, tamu źviartacca da lekaraŭ čas ad času davodzicca. Kali płanavyja vizity zrobiać płatnymi, to heta moža mocna ŭdaryć pa biudžecie», — ličyć mužčyna.
Pry hetym surazmoŭca prynamsi pakul nie razhladaje varyjantu pracaŭładkavańnia ŭ Biełarusi.
«U maim uzroście asabliva brać na pracu ŭžo nie chočuć, da i zarpłaty ŭ Biełarusi na busach śmiešnyja, a iści na furu nie chočacca. U mianie zarpłata 65 jeŭra ŭ sutki, dzie ja takija hrošy budu atrymlivać u Biełarusi?
Tamu, pakul zdaroŭje budzie dazvalać, budu pracavać u Polščy».
Kolki čałaviek mohuć zakranuć prapanavanyja novaŭviadzieńni
Zhodna z apošnimi danymi, tolki ŭ Litvie pracuje kala 24 tysiač dalnabojščykaŭ ź biełaruskim hramadzianstvam. Bolšaść ź ich paśla kadencyi viartajecca ŭ Biełaruś.
U Polščy pa stanie na kaniec 2023 hoda było kala 56 tysiač dalnabojščykaŭ ź Biełarusi, biez uliku kiroŭcaŭ, jakija pracujuć na busach katehoryi «B».
I heta tolki ličby pa dźviuch krainach ES. Aproč Polščy i Litvy, choć i nie tak masava, biełarusy pracujuć u łatvijskich, vienhierskich i niamieckich kampanijach. Tamu atrymlivajecca, što novaŭviadzieńni mohuć zakranuć kala 100 tysiač čałaviek.
Nahadajem, što ź viasny 2022 hoda «darmajedami» ličać tych, chto vyjechaŭ za miažu na termin bolšy za 30 dzion. Vyklučeńnie — vyjezd u krainy JEAES, kali čałaviek pracuje tam pa kantrakcie abo pracoŭnaj damovie. Praca abo navučańnie ŭ trecich krainach nie jość padstavaj dla taho, kab u takija śpisy nie trapić.
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary