U Minabarony raskazali, jak atrymać dazvoł na palot bieśpiłotnika
Zajaŭku na vykarystańnie pavietranaj prastory dla bieśpiłotnikaŭ nieabchodna padać nie paźniej, čym za dźvie hadziny da palotu. Pra heta paviedamiŭ u efiry telekanała STB Raścisłaŭ Davidziuk, načalnik upraŭleńnia pa vykarystańni pavietranaj prastory Uzbrojenych sił Biełarusi.
Pradstaŭnik Ministerstva abarony ŭdakładniŭ, što lubomu palotu pavinien papiaredničać dazvoł orhanaŭ adzinaj sistemy arhanizacyi pavietranaha ruchu. Akramia taho, na ŭsioj terytoryi Biełarusi isnujuć zony, u jakich arhanizacyja palotaŭ patrabuje dadatkovaha dazvołu na vykarystańnie pavietranaj prastory ŭ zabaronienych zonach.
U vypadku adsutnaści śpiecyjalnych dazvołaŭ, palot bieśpiłotnika budzie ličycca parušeńniem praviłaŭ vykarystańnia pavietranaj prastory, za što praduhledžana administracyjnaja adkaznaść.
Raścisłaŭ Davidziuk dadaŭ, što adrazu vyznačyć, ci zakonny palot bieśpiłotnaha aparata i kamu jon naležyć, niemahčyma. Ale čas reahavańnia skaračajecca, bo «z vykarystańniem srodkaŭ suviazi ŭdakładniajecca ŭ centry adzinaj sistemy arhanizacyi pavietranaha ruchu pra pravamiernaść palotu hetaha bieśpiłotnika ŭ daśledujemym rajonie».
U vieraśni 2023 hoda byŭ padpisany ŭkaz «Ab dziaržaŭnym uliku i ekspłuatacyi hramadzianskich bieśpiłotnych latalnych aparataŭ». Dakumient zabaraniŭ fizičnym asobam uvoz, ekspłuatacyju i vyrab dronaŭ, a taksama ich zachoŭvańnie. Takoje prava ciapier majuć tolki arhanizacyi i indyvidualnyja pradprymalniki dla ažyćciaŭleńnia pradprymalnickaj i prafiesijnaj dziejnaści pry ŭmovie vykanańnia patrabavańniaŭ zakanadaŭstva.
-
Valfovič nazvaŭ vybuch drona kala aŭtobusa vypadkovym, ale pozna. Prapahanda paśpieła znajści vinavatych i ablić uvieś śviet dziarmom
-
«Ja była ŭ šoku ad radaści i ščaścia». Biełaruska 15 hadoŭ šukała italjanskuju siamju, u jakoj žyła dziciom paśla Čarnobyla
-
U Biełaviežskaj puščy buduć rabić kancertnuju placoŭku
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju7
Kamientary